ចំនេះដឹងទូទៅ: June 2011

Friday, June 24, 2011

របៀបជ្រើសរើសផ្លែឈើ

ប្រសិនបើខ្វះការយល់ដឹងអំពីការជ្រើសរើសផ្លែឈើនោះទេ ប្រាកដជាអ្នកជ្រើសរើសប៉ះផ្លែឈើដែលមានគុណភាពមិនល្អ។ តែប្រសិនបើយកវិធីខាងក្រោមទៅប្រើធានាថា ពិតជាទទួលបានផ្លែឈើល្អៗ មានគុណប្រយោងជន៏ខាងអាហារ និងរសជាតិ។

១-ផ្លែមង្ឈុតៈ ត្រូវជ្រើសរើសយកផ្លែ មង្ឃុតដែលមានទំហំសមល្មម ឬក៏តូចបន្តិចហើយផ្ទៃសម្បករលីងមិនគគ្រើម។

២- ផ្លែជម្ពូៈ ត្រូវជ្រើសរើសផ្លែដែលមានសម្បករលីងមិនគ្រើម ផ្លែមានខ្នាតធំមិនជាំ ឬមានស្នាមឆែកក្រោមផ្ទៃរីក ធំ។

៣-ផ្លែម្នាស់ៈ ត្រូវជ្រើសរើសផ្លែម្នាស់ណា ដែលមានក្រឡាភ្នែករីកធំ និងសម្បកលឿងលាយខៀវបន្តិច។

៤-ផ្លែទុរេនៈ ត្រូវជ្រើសរើសយកផ្លែណា ដែលទៅមានសណ្តង់ទងជាប់មិនជ្រុះ មិនស្វិត។

៥-ក្រូចពោធិ៍សាត់ៈ ត្រូវជ្រើសរើសយកផ្លែណាដែលមានសម្បកស្ដើង ពណ៌លឿងលាយបៃតង និងមានទម្ងន់សមល្ម។

៦-ផ្លែទំពាំងបាយជូរៈ ត្រូវជ្រើសរើសយកចង្កោមដែលមានផ្លែធំច្រើន មិនសូវជាមានក្ដៀប។

៧- ផ្លែឡុងកុងៈ ត្រូវជ្រើសរើសយកផ្លែ ដែលមានទ្រង់ទាយរាងទ្រវែង សម្បកមានពណ៌លឿងស្រទន់ ស្ទាប ឬច្របាច់មិនជ្រាយពេក និងនៅត្រង់បរិវេណសណ្ដង់មានពណ៌លឿងចាស់កាន់តែល្អ។

៨- ផ្លែសាវម៉ាវៈ ត្រូវជ្រើសរើសយកផ្លែ ដែលមានសភាពស្រស់ មិនប្រើវិធីប្រោះទឹក ហើយមិនស្វិតស្រពោន៕

Sunday, June 19, 2011

តើលោកអ្នកគេងបានគ្រប់គ្រាន់ដែរឬទេ?

ប្រសិនបើលោកអ្នកតែងតែមានទម្លាប់គេងមិនលក់នោះ បញ្ហានេះ មិនមែនមានតែលោកអ្នកនៅក្នុងប្រទេសកម្ពុជាទេ។ ប្រជាជនរាប់លាន់ នាក់នៅជុំវិញពិភពលោក ក៏កំពុងតែរងគ្រោះដោយសារបញ្ហាគេងមិនលក់នេះដែរ ហើយបញ្ហាវាចាប់ផ្ដើមពិស្ថានភាពធម្មតារហូតដល់ស្ថានភាពរុំារៃ។ តើអ្នកដឹងទេថា ការទទួលទានដំណេកមិនសមស្រប អាចមានផលប៉ះពាល់ដល់សុខភាពជីវិតប្រចាំថ្ងៃ និងទម្លាប់របស់លោកអ្នក។ ជាមួយគ្នានេះដែរ ខាងក្រោមនេះ គឺជាវិធីដែលជួយឲ្យលោកអ្នកបានសម្រានជាងមុនទៅទៀតៈ

-មិនត្រូវបរិភោគជាតិកាហ្វេអ៊ីនពី ២-៣ ម៉ោងមុនពេលចូលគេងៈ ជាក់ស្ដែងកាហ្វេអ៊ីនអាចធ្វើឲ្យសតិអារម្មណ៍ និងរាងកាយរបស់លោកអ្នកដំណើរការមិនល្អ ហេតុដូច្នេះហើយវានឹងធ្វើឲ្យអ្នកគេងមិនលក់។

-អនុវត្តទម្លាប់កំណត់ពេលវេលាចូលគេងៈ ការកំណត់ពេលវេលាជួយឲ្យលោកអ្នកមានទម្លាក់ចូលគេង និងក្រោកពីដំណេកជារៀងរាល់ថ្ងៃ។ ធ្វើតាមវិធីនេះ វាជួយឲ្យរាងកាយរបស់លោកអ្នកមានទម្លាប់ចូលគេង និងក្រោកពីដំណេកជារៀងរាល់ថ្ងៃ។ ធ្វើតាមវិធីនេះ វាជួយឲ្យរាងកាយលោកអ្នកអាចដឹងបានថា ពេលណាអ្នកគួរចូលគេង និងពេលណាអ្នកគួរក្រោកឡើង។

-ជៀសវាងមានពន្លឺភ្លឺនៅក្នុងបន្ទប់គេងៈ ការបើកពន្លឺភ្លឺក្នុងបន្ទប់គេង វាមានការលំបានក្នុងការគេងជាមួយនឹងភ្លើងភ្លឺជះពេញបន្ទប់។ ភាពងងឹក នៅក្នុងបន្ទប់ប្រាកដជាអ្នកបានក្នុងការគេងលក់ស្កប់ស្កល់ ហើយវាមិនប៉ះពាល់ដល់ភ្នែករបស់លោកអ្នកទៀតផង៕

បង្កើតប្រព័ន្ធការពាររាងកាយឲ្យកូន

ជាការពិតណាស់ថា កុមារគឺជារ័យមួយដែលងាយរងនឹងជំងឺបំផុត ព្រោះប្រព័ន្ធរាងកាយរបស់គេដែលបានទទួលពីមាតាកាលពីនៅក្នុងគ៌តនោះត្រូវបានចំណាយអស់ដូច្នេះចាំបាច់ត្រូវសាងប្រព័ន្ធការពារនោះ។

វិធីការពារកូនតូចឲ្យចៀសផុតពីការកើតជំងឺញឹកញាប់ យើងអាចធ្វើបានដោយរៀបចំទីស្នាក់អាស្រ័យឲ្យមានអនាម័យគ្រប់គ្រាន់គ្មានកម្ទេចធូលី កម្ទេចចម្សៅជាដើម ត្រូវជូតសសម្អាតឥដ្ឋដោយជ្រលក់ក្រណាត់ឲ្យសើមតិចៗប៉ុន្តែហាមប្រើវិធីបោសសម្អាតធ្វើឲ្យធូលីដីហុយព្រោងព្រាតឲ្យសោះ។ ចំណែកការរស់នៅទៀតសោត គួរឲ្យមានខ្យល់អាកាសចេញចូលបានល្អមិនត្រូវនាំកូនចូលទៅក្នុងចំណោមមនុស្សកុះករឬ ទីកន្លែងដែលមានម៉ាស៊ីនត្រជាក់ដូចជា ហាងលក់ទំនិញធំៗ និងទីផ្សារទំនើបនានា។ ប្រសិនបើនៅក្នុងផ្ទះមានប្រើម៉ាស៊ីនត្រជាក់ត្រូវព្យាយាមសម្អាតឲ្យបានញឹកញាប់ ផ្ដល់អាហារឲ្យកូនចៅតាមវ័យ និងបើមានអ្នកកើតជំងឺផ្ដាសាយ សូមណែនាំឲ្យប្រើម៉ាសបិទច្រមុះពេលនៅរួមគ្នា។

ចំពោះវ៉ាក់សាំងប្រភេទខ្លះអាចការពាររោគធ្ងន់ធ្ងរបានមួយចំនួនតែប៉ុណ្ណោះ មិនអាចការពារបានគ្រប់រោគនោះទេ។ ដូច្នេះចំពោះករណីមួយនេះណែនាំឲ្យពិគ្រោះជាមួយគ្រូពេទ្យជំនាញកុមារមុនពេលឲ្យកូនទទួលវ៉ាក់សាំងនោះ។ នៅមានមូលហេតុមួយទៀតដែលធ្វើឲ្យក្មេងមានជំងឺញឹកញាប់បាន គឺ ការរស់នៅឡូកឡាំជាមួយក្មេងដទៃទៀត។ ដូច្នេះក្មេងដែលមិនបានចូលទៅក្នុងមណ្ឌលទទួលមើលការថែទាំ មិនសូវកើតមានជំងឺរុករានកាយទេ ក៏ប៉ុន្តែក្រោយពេលគេមានវ័យធំធាត់ត្រូវចូលសិក្សានៅតាមសាលារៀននោះគេនឹងចាប់ផ្ដើមមានជំងឺ៕

Monday, June 13, 2011

បំបាត់ស្មាមក្រិនខ្មៅកែងដៃ និងជង្គង់

មនុស្សភាគច្រើនតែងតែមានស្មាមជាំខ្មៅត្រង់បរិវេនក្បាលជង្គង់និងកែងដៃប៉ុន្តែអ្នកបន្ថែមភាពផូរផង់ត្រង់កន្លែងទាំងនោះបានដូចតទៅ។ វត្ថុដែលត្រូវមានគឺ ម្នាស់ ១ ភាគ៤យកវាទៅចិញ្រ្ចាំឲ្យល្អិតរួចដាក់ក្លាសេ្សឲ្យត្រជាក់ បន្ទាប់មកត្រូវងូចទឹកដុសលាងខ្លួនឲ្យស្អាត រួចយកផ្លែម្នាស់ដែលបានត្រៀមនោះមកជូតដុសឲ្យសព្វកែងដៃក្បាលជង្គង់ និងកំភួនជើងផងដែរ។ ទុកចោលរយៈពេល១២ទៅ២០នាទី សឹមយកទឹកស្អាតលាងជម្រះចេញរួចជូតឲ្យស្អាត។ ដំណាក់កាលបន្តប្រើប្រេងម៉យជឺរ៉ៃស័រលាបបំប៉នស្បែកបរិវេណកែងដៃជើង និងក្បាលជង្គង់ហាក់មានសភាពទន់ជាងមុនៗភ្លាមៗ។ យើងសូមណែនាំឲ្យអ្នកធ្វើក្រោយពេលងូតទឹកហើយព្យាយាមលាបក្រែមបំប៉នស្បែករាល់លើក ដើម្បីជួយឲ្យកែងដៃនិង ក្បាលជង្គង់ដែលក្រៀមក្រញ៉ង់របស់អ្នកត្រឡប់មកកាន់សភាពដើមវិញបានម្ដងទៀត៕

ប្រយោជន៏របស់ទឹកស៊ុបបន្លែ

ចំពោះទឹកស្ងោរបន្លែនេះយើងអាចពោលបានថា អាចប្រើជាប្រយោជន៏ច្រើនប្រការដូចជាប្រសិនបើថ្ងៃណាមួយអ្នកនឹកចង់ទទួលទឹកគ្រឿង ជាការពិតណាស់ថា ចាំបាច់ត្រូវប្រើទឹកដាំឆ្អិនជាជំនួយទើបមានលក្ខណៈរាវបាន។ដើម្បីជំនួសការប្រើទឹកឆ្អិននោះយកល្អយើងសូមណែនាំឲ្យអ្នកប្រើប្រាស់ទឹកស៊ុបស្ងោរបន្លែជំនួសលមើល លើកនេះហ៊ានធានាថាឱជារសទឹកគ្រឿងរបស់អ្នកកាន់តែឆ្ងាញ់ឡើងថែម មួយកម្រិតទៀតជាមិនជាខាន៕

ការធ្វើឲ្យស្បែកស្ងួតដោយមិនដឹងខ្លួន

ក្នុងខណៈដែលអាកាសធាតុប្រែប្រួល មានកម្ដៅក្ដៅអាចធ្វើឲ្យស្បែកស្ងួតបានយ៉ាងងាយ ប៉ុន្តែប្រសិនបើអ្នកចេះថែរក្សាស្បែកនោះ បញ្ហាស្បែកស្ងួតនឹងពុំមានទៀតឡើយ។ ថ្មីៗនេះ អ្នកឯកទេសខាងសម្រស់បានស្រាវជ្រាវបានឃើញថា មានការកើនឡើងនូវចំនួនស្ដ្រីដែលមានស្បែកស្ងួត ផ្ទុយពីមុនភាគច្រើនមាន បញ្ហាស្បែកខ្លាញ់។ មិនមែនមានតែកាប្រែប្រួលនៃអាកាសធាតុទេដែលធ្វើឲ្យស្បែកស្ងួតនេះ នៅមានកត្តាជាច្រើនទៀតដូចជាៈ

»ការប្រើប្រាស់គ្រឿងសម្អាង

ស្ដ្រីមួយចំនួនចូលចិត្តប្រើប្រាស់គ្រឿងសម្អាងចំរុះប្រភេទ ហើយគ្រឿងសម្អាងខ្លះមិនត្រូវនិងស្បែកមុខរបស់ខ្លួន ដែលនេះហើយ ជាកត្តាធ្វើឲ្យស្បែកស្ងួត ។ ដូចច្នេះដើម្បីឲ្យស្បែកប្រសើរឡើងវិញ អ្នកត្រូវជ្រើសគ្រឿងសម្អាងណាដែលត្រូវជាមួយស្បែករបស់អ្នក។ វិធីដែលល្អ គឺត្រូវពិភាក្សាជាមួយអ្នកជំនាញ ឬឆ្លងកាត់ការពិនិត្យស្បែកជាមុនសិន។
»ការបរិភោគអាហារ

ព្រោះតែចង់ស្គម មានរាងតូចច្រឡឹងស្អាត មិនហានញុំាអាហារដែលមានជាតិខ្លាញ់ទេ។ នេះជាកត្តាដែលនាំឲ្យខ្វះជាតិប្រូតេអ៊ីន អាចធ្វើឲ្យស្បែកស្ងួតបាន។

»ការសម្អាតស្បែកមិនស្អាតល្អ

ការលាងមុខមិនស្អាត បន្សល់ទុកក្អែលម្សៅ មិនធូលីដីនៅតាមរន្ធរោម យូរៗទៅ អាចធ្វើឲ្យស្ទះរន្ទះរោម មិនអាចបញ្ចេញជាតិទឹក និងជាតិខ្លាញ់បាន នេះក៏ជាកត្តាធ្វើឲ្យស្បែកស្ងួតនឹងមានមុនទៀតផងដែរ។

»អត់ងងុយច្រើន

ការអត់ងងុយញឹកញាប់ កោសិកាស្បែកមិនបានសម្រាក់ ធ្វើឲ្យស្បែកបាត់បង់ជាតិទឹក ក៏អាចបណ្ដោយឲ្យស្បែកស្ងួតបានដែរ។

»សុរា កាហ្វេរ និងទឹកតែ

ការទទួលទានតែ កាហ្វេ និងស្រាច្រើនពេក ក៏ធ្វើស្បែកស្ងួតយ៉ាងងាយដែរ។

»អារម្មណ៍ តានតឹង និងតប់ប្រមស់

ការគិតច្រើនធុញថប់ ធ្វើឲ្យការសិការស្បែកធ្វើការខ្លាំងឡើង ដែលជាហេតុនាំឲ្យស្បែកស្ងួត។

»មិនហាត់ប្រាណ

មិនធ្វើលំហាត់ប្រាណ ធ្វើឲ្យឈាមដើរមិនស្រួល ក៏ធ្វើអោយស្បែកស្ងួតដែរ។ ក្រៅពីនេះ រដូវមិនទៀង ក៏ជាមូលហេតុធ្វើឲ្យស្បែកស្ងួតដូចគ្នា៕

មាន់ចៀនសណ្ដែកកំប៉ុង

គ្រឿងផ្សំ

មាន់ជំទង់ ខ្លាញ់រាវ សណ្ដែកកំប៉ុង ម្រេច អំបិល ទឹកត្រី ស្ករស ម្សៅស៊ុប ទឹកស៊ីអ៊ីវ ខ្ទឹមស ខ្ទឹមក្រហម ស្លឹកវ៉ាន់ស៊ុយ។

វិធីធ្វើ

១. មាន់មួយកាប់ជាបួន ប្រឡាក់អំបិល ទឹកត្រី ទឹកស៊ីអ៊ីវ ស្ករ ម្សៅស៊ុប ម្រេច ផ្អាប់ទុក។

២. ដាំខ្ទះចាក់ខ្លាញ់ទុកឱ្យក្ដៅ ដាក់ខ្ទឹមសចិញ្ច្រាំបំពងឲ្យឡើងក្រហម ដួលដាក់ចានទុក ទើបដាក់សាច់មាន់ចៀនឱ្យឡើងក្រហម រួចចាក់ទឹកបន្តិចគ្របឱ្យជិតទុកឱ្យផុយ ហើយដាក់សណ្ដែកកំប៉ុង ខ្ទឹមក្រហមពុះជាបួន ខ្ទឹមបំពង រម្ងាស់ឱ្យឆ្អិន ភ្លក់មើលឱ្យល្មម ដួសដាក់ចានរោយស្លឹកវ៉ាន់ស៊ុយបន្តិចរួចជាការស្រេច៕

បក្សីចោលសំបុក

គ្រឿងផ្សំ

កូនព្រាប ខ្លាញ់ គល់ខ្ទឹម ម្ទេសប្លោកទុំ ប្រមាត់ដី អំបិល ម្រេច ក្រូចឆ្មារ ខ្ទឹមស សៀងម៉ដ្ឋ ទឹកម្ទេសដប។

វិធីធ្វើ

១. កូនព្រាបបោចរោម(រោលភ្លើង) វះពោះយកអាចម៍ និងពោះវៀនចេញពុះបណោយជាពីរ លាងទឹកឲ្យស្អាតដាក់សច្រោះឲ្យច្រោះទឹកហើយកាប់ស្មងចោល។

២. ដាំខ្ទះដាក់ខ្លាញ់ឲ្យច្រើនទុកឲ្យក្ដៅ ដាក់ព្រាបបំពងឲ្យឆ្អិនឡើងស្រួយស្រង់ទុកឲ្យច្រោះខ្លាញ់។

៣. យកគល់ខ្ទឹមកាត់ជាកំណាត់ខ្លីៗប្រវែងពីរថ្នាំងដៃសាប់ចុងៗដើមត្រាំទឹកឲ្យរីកម្ទេសប្លោកទុំពុះជាប្រាំមួយត្រាំទឹកឲ្យបែកជាផ្កា(ពុះកុំឲ្យដាច់គល់)។

៤. ប្រមាត់ដីបេះលាងទឹកឲ្យស្អាតរៀបដាក់ទ្រាប់បាតចានសំប៉ែត ទើបយកព្រាបមកដាក់ពីលើ ហើយយកគល់ស្លឹកស៊កតាមគែមចានជុំវិញដោតម្ទេសពីលើឲ្យបានសមរម្យ៕

មាន់អប់

គ្រឿងផ្សំ

មាន់ជំទង់ ខ្លាញ់រាវ ដំឡូងបារាំង ម្សៅមី អំបិល ទឹកត្រី ទឹកខ្មេះ ស្ករស ម្សៅស៊ុប ស្លឹកវ៉ាន់ស៊ុយ។

វិធីធ្វើ

១. យកមាន់ជំទង់ដែលគេធ្វើរួចស្រាប់ កាប់ស្មងជើង និងស្លាបចោលចេញ លាងទឹកឲ្យស្អាត។

២. ដំឡូងបារាំងចិតជាដុំៗ ខ្ទឹមបារាំងពុះជា៤។

៣. យកកូនចានចាក់ទឹកត្រី អំបិល ស្ករស ម្សៅឆា ម្សៅស៊ុប ទឹកខ្មេះ ភ្លក់មើលឲ្យល្មម។

៤. ដាំខ្ទះចាក់ខ្លាញ់ទុកឲ្យក្ដៅទើបដាក់មាន់ចៀនទាំងមូលឲ្យឡើយក្រហមហើយចាក់ទឹកត្រីដែលលាយទុកនោះស្រោចពីលើដាក់ដំឡូង និងខ្ទឹមបារាំងចាក់ទឹកត្រីដែលលាយទុកនោះស្រោចពីលើដំឡូង និងខ្ទឹមបារាំងចាក់ទឹកបន្តិចគ្របឲ្យជិតទុកវា១០នាទីហើយបើកគ្រមចេញយកវែកត្រលប់សាច់មាន់ពីម្ខាងទៅម្ខាងទើបគ្របម្ដងទៀតបើរឹងត្រូវថែមទឹកម្ដងទៀតរំងាស់ឲ្យទាល់តែផុយសាច់ទឹកឲ្យឡើងខាប់ ទើបដួសដាក់ចានរួចដួសទឹកខាប់នេះដាក់ពីលើសាច់បេះស្លឹកវ៉ាន់ស៊ុយរោយពីលើ(នៅពេលចៀនគេប្រើភ្លើងតិចៗ)៕

Sunday, June 12, 2011

ខបង្កង

គ្រឿងផ្សំ

បង្កង ខ្លាញរាវខ្ទឹមស អំបិល ទឹកត្រី ទឹកស៊ីអ៊ីវ ស្ករស ម្សៅស៊ុប។

វិធីធ្វើ

១. បង្កងបកសំបកឱ្យស្អាត កាត់ពុកមាត់ ដង្កៀបចេញ ប្រឡាក់អំបិល ឱ្យរឹងសាច់ ចំណែកខួរឆ្អឹងដាក់ចានទុក។

២. ដាំខ្ទះចាក់ខ្លាញ់ទុកឱ្យក្ដៅ ដាក់ខ្ទឹមសចិញ្ច្រាំបំពងឱ្យក្តៅ ដាក់ខ្ទឹមសចិញ្រ្ចាំបំពងឱ្យក្រហមដួសដាក់ចាន ហើយដាក់បង្កងចៀនឱ្យឡើងក្រហមដួសដាក់ចាន ហើយដាក់បង្កងចៀនឱ្យឡើងក្រហមព្រឿងៗ ទើបដួសដាក់ចានទុក លាងខ្ទះឱ្យស្អាត ដាក់ខ្លាញ់ទុកឱ្យក្ដៅ ដាក់ខួរបង្កងឆាឱ្យឡើងក្រហម ដាក់ទឹកស៊ីអ៊ីវ ទឹកត្រី ស្ករស ម្សៅស៊ុប កូរចូលគ្នាឱ្យសព្វរួចដាក់បង្កងរម្ងាស់ឱ្យចូលសាច់ទើបចាក់ទឹកបន្តិច ដាក់ម្រេចបុកបន្តិច រម្ងាស់ឱ្យផុកៗដួសដាក់ចានយករោយខ្ទឹមបំពងរួចជាការស្រេច៕

Tuesday, June 7, 2011

ព្យាបាលរោគមុនដោយខ្លួនឯង

“ មុន " មានច្រើនប្រភេទប៉ុន្តែមិនថា "មុន" ប្រភេទណាទេគឺយើងមិនចង់ឲ្យវាកើតមានលើផ្ទៃមុខយើងឡើយ ថ្ងៃនេះយើងមានវិធីងាយៗក្នុងការកម្ចាត់ "មុន" ។ ដំបូងគឺត្រូវសំអាតផ្ទៃមុខឲ្យស្អាតដោយប្រើផលិតផល PH ដែលមានតុល្យភាព និងត្រូវទៅនឹងសភាពស្បែករបស់ខ្លួនឯង។ នៅពេលលាងសម្អាតរួចហើយត្រូវប្រើថូន័រ(Toner) ជូតមួយសាទៀតដើម្បីឲ្យកាន់តែស្អាតល្អ ពីព្រោះការលាងមុខ ឲ្យស្អាតនឹងជួយឲ្យយើងលាក្រេមទៅមានប្រសិទ្ធភាពខ្ពស់។ រួចយកក្រែមកម្ចាត់មុន មានសារធាតុផ្សំ Benzoyl Peroxide Glycolic Acid ឬ Salicylic Acid យកមកលាបត្រង់បរិវេណដែលកើត"មុន" ។ បន្ទាប់មកប្រើ លាបឲ្យសព្វផ្ទៃមុខនៅមុខនៅពេលព្រឹកមុននឹងចេញពីផ្ទះ។

ដំណាក់កាលចុងក្រោយបើចង់បិទបាំងកុំឲ្យយើង "មុន" ផ្ទៃមុខអ្នកអាចប្រើខន់ស៊ីសល័រ(Concealer)ដែលត្រូវនឹងស្បែក អ្នកយកលាបត្រង់បរិវេណដែលចង់បិទបាំងនោះ ហើយប្រើម្សៅហុយមួយសារទៀត។ ពេលនោះ"មុន"ក៏រលុបព្រាលៗ មិនផុសឡើងច្បាស់ដូចពីដំបូងឡើយ។ រឿងសំខាន់មួយទៀតនោះគឺសម្រាកអោយបានគ្រប់គ្រាន់យ៉ាងតិចមួយថ្ងៃ៦-៨ម៉ោង។ សុភាពនារីដែលបានដឹងយ៉ាងនេះហើយសូមសាល្បងធ្វើតាមការណែនាំខាងលើធានាថាទទួលបានលទ្ធផលពិតៗ៕

ទទួលទានត្រីអាចកាត់បន្ថយគ្រោះថ្នាក់នៃពិការភាពចំពោះភ្នែក

តាមការសិក្សាស្រាវជ្រាវថ្មីមួយរបស់ក្រុមអ្នកវិទ្យាសាស្ត្រអង់គ្លេសបានរកឃើញថាកាតរទទួលទានត្រីមួយដង ឬពីរដងក្នុងមួយសប្ដាហ៍ អាចកាត់បន្ថយគ្រោះថ្នាក់នៃការកើតជំងឺផ្សេងៗ ដែលបណ្ដាលឲ្យខ្វាក់ភ្នែកបានពាក់កណ្ដាល។

ការសិក្សានោះ បានរកឃើញថា ការទទួលទានអាស៊ីដខ្លាញ់អូមេហ្គា-៣ ដែលគេរកឃើញភាគច្រើននៅក្នុងត្រីដែលមានខ្លាញ់ដូច ជាត្រីសាល់ម៉ុន និងត្រីធូណា អាចជួយការពារការចា់ផ្ដើមខូចភ្នែក ដែលជាស្ថានភាពមួយដែលនាំទៅរកការបាត់បង់ការមើលឃើញជាណ្ដើរៗ។ យោងទៅតាមការសិក្សាថ្មីមួយបាននិយាយថា ពួកគេបានរកឃើញថា ការទទទួលទានត្រីតែមួយដងឬពីរដងក្នុងមួយសប្ដាហ៍អាចកាត់បន្ថយគ្រោះ ថ្នាក់នៃការបាត់បង់ការមើលឃើញ ចំនួន ៤២ ភាគរយ សម្រាប់ស្ត្រីរ័យចំណាស់។ ការរកឃើញនេះ បានគំទ្រដល់ការស្រាវជ្រាវលើកមុនដែលបានបង្ហាញនូវលទ្ធផលដូចគ្នានេះដែរ សម្រាប់បុរស។ វេជ្ជបណ្ឌិតវីល្លៀមគ្រីស្តេន មកពីសាលាពេទ្យហាវ៉ាត និយាយថា ត្រីដែលមានសាច់ខ្មៅទំនងជាមានច្រើនបំផុត។ លោកនិយាយថា ការកាត់បន្ថយគ្រោះថ្នាក់នេះទំនងជា ដោយសារតែការទទួលទានត្រីធូណាកំប៉ុង និងត្រីមានសាច់ខ្មៅ។ ប្រជាជនអង់គ្លេស ជាង៥០០.០០០នាក់ក្នុងប្រទេស បានកើតជំងឺបាត់បង់ការមើលឃើញ ដែលណ្ដាលមកពីការខូច និងងាប់កោសិកានៅក្នុងភ្នែក។ ហើយជំងឺនេះ បានប៉ះពាល់ជាសំខាន់ទៅលើមនុស្សដែលមានអាយុជាង៤០ឆ្នាំ។

ការសិក្សាទៅលើស្ដ្រីចំនួនជាង ៣៨.០០០នាក់បានបង្ហាញថា ស្ដ្រីដែលទទួលទានអាហារសាច់ត្រីមួយដង ឬ ច្រើនដងក្នុងមួយសប្ដាហ៍ គឺមាន ៣ភាគរយ ឬ៤២ភាគរយ ទំនងជាកើតជំងឺខូចភ្នែកតិចជាងស្ដ្រីដែលទទួលទានត្រីតិចជាងម្ដងក្នុងមួយខែ៕

Thursday, June 2, 2011

ត្រួយស្ដៅធ្វើឲ្យស្បៃកភ្លឺថ្លា

ស្ដៅមិនមែនត្រឹមតែមានតួនាទីសម្រាប់ធ្វើជាអាហារដើម្បីទ្រទ្រង់សុខភាពតែម្យ៉ាង នោះទេ តែវាក៏មានតួនាទីជួយថែបំប៉នស្បែកឲ្យមានភាពស្រស់ស្អាតនិងភ្លឺថ្លាផងដែរ ដោយយកវាមកធ្វើជាល្បាយសម្រាស់ម៉ាស្សាផ្ទៃមុខ។

ចំពោះវិធីធ្វើល្បាយនោះមិនពិបាក ហើយងាយស្រួលមិនចំណាយថិវិកាច្រើន និងមិនប្រើពេលវេលាយូរឡើយ។ ដោយអ្នកត្រៀមត្រួយ ស្ដៅ១-២មែកពងមាន់ផ្នែក ស ១គ្រាប់ បន្ទាប់មកយកត្រួយស្ដៅ ដាក់ចូលម៉ាស៊ីនទឹកក្រឡុកកិនរហូតដល់ត្រួយស្ដៅម៉ដ្ឋ។ បន្ទាប់មកអ្នកលុបមុខឲ្យស្អាត ហើយយកល្បាយនេះមក បំពោកពីលើផ្ទៃមុខ (លើកលែងត្រង់បរិវេណភ្នែក និងមាត់) ទុកចោលប្រហែល៥នាទីទើបលាងចេញនឹងទឹកធម្មតា ។ ល្បាយបែបនេះនឹង ជួយកម្ចាត់ភាពស្រគាំជាំលើផ្ទៃមុខឲ្យមើលទៅស្រស់ថ្លា រលោងស្អាតមិនខាន៕

ម្ដាយគួរយល់ពីការបំបៅដោះកូន

ការបំបៅដោះផ្ដល់សារប្រយោជន៏ជាច្រើនដល់ទារក និងម្ដាយ។ ក្នុងទឹកដោះផ្ទុយសារជាតិចិញ្ចឹមដ៏ល្អជួយឲ្យទារករឹងមាំ និងមានសុខភាពល្អ។ ម្យ៉ាងទៀត សារជាតិដែលមាននៅក្នុងទឹកដោះ ថែមទាំងជួយប្រឆាំងនឹងជំងឺឆ្លងជាច្រើនផងដែរ។ហើយប្រូតេអ៊ីនដែលមាននៅក្នុងទឹកដោះមានគុណភាពច្រើនជាងប្រូតេអ៊ីនផ្សេងទៀត។ អ្វីដែលគួរឲ្យចាប់អារម្មណ៍ជាងនេះទៅទៀតនោះ ភាគរយនៃជំងឺមហារីកនឹងថយចុះចំពោះម្ដាយដែលបានបំបៅដោះទារក ព្រមទាំងជួយឲ្យស្បូនម្ដាយប្ដូរមករកភាពដើម វិញយ៉ាងឆាប់រហ័ស និងអាចកាត់បន្ថយការចេញឈាមបន្ទាប់ពីសម្រាលកូនរួចថែមទៀត។ ជាមួយគ្នានេះ ការបំបៅដោះនេះ ថែមទាំងជួយបង្កើតទំនាក់ទំនងជាពិសេសរវាងម្ដាយ និងទារកបានទៀតផង។

ដូច្នេះ ស្ត្រីគួរតែព្យាយាមបំបៅដោះដល់ទារកយ៉ាងហោចណាស់ឲ្យបាន៦ខែដំបូង។ តែដោយឡែក ចំពោះ ស្រ្ដីនៅពេលដែលដឹងខ្លួនមានជំងឺផ្សេងៗដូចជា អេដស៍ឬរបេង មិនគួរបំបៅដោះ ព្រោះអាចចម្លងរោគដល់ទារកបាន។ ហើយកុំភ្លេចឲ្យសោះ ម្ដាយដែលប្រើប្រាស់ឱសថ ថ្នាំញៀន និងគ្រឿងស្រវឹង ក៏អាចធ្វើឲ្យប៉ះពាល់ដល់សុខភាពទារកដែរ។

នៅពេលដែលបំបៅដោះកូន អ្នកត្រូវការអាហារបន្ថែមច្រើនជាងធម្មតា ដើម្បីផ្ដល់ថាមពលសម្រាប់ផលិតទឹកដោះ។ដូច្នេះត្រូវទទួលទានអាហារឲ្យមានតុល្យភាពដោយៈ

-រាងកាយអ្នកត្រូវការបន្ថែមប្រហែលជា ៥០០ កាឡូរី ច្រើនជាងធម្មតាក្នុង ១ថ្ងៃ។

-ត្រូវច្បាស់ថា អ្នកបានទទួលជាតិកាល់ស្យ៉ូម ១០០mg ក្នុង ១ថ្ងៃ ។ ពេទ្យ អាចនឹងណែនាំអ្នកឲ្យទទួលទានជាតិវិតាមីនរាល់ថ្ងៃ។

-ជៀសវាងអាហារណាដែលធ្វើឲ្យប៉ះពាល់ដល់សុខភាពទារក ។ ប្រសិនបើទារក មួមៅ ឬ រាគបន្ទាប់ពីបៅរួច អ្នកត្រូវទៅជួបពេទ្យភ្លាម

-ម្ដាយត្រូវទទួលទានទឹកឲ្យបានគ្រប់គ្រាន់ យ៉ាងហោចណាស់ ២លីត្រក្នុង ១ថ្ងៃ៕

របបអាហារ ៣ពេលធ្វើឲ្យមានរាងស្អាត

បើអ្នកចង់សម្រកទម្ងន់ឲ្យខ្លួនឯងមើលទៅរាងស្វែលស្អាត ដោយវិធីទទួលទានឲ្យបានត្រឹមត្រូវ យើងសូមណែនាំនូវវិធីងាយៗ ដែលអាចជួយឲ្យអ្នកមានរាងស្វែលបាន។ ប្រសិនបើអ្នកអនុវត្តន៍បាន វាអាចសម្រក់ទំងន់បាន១គីឡូក្រាមក្នុង១សប្ដាហ៍ ហើយបើធ្វើបាន ១ខែទម្ងប់ក៏បានស្រក បាន៤គីឡូក្រាម។វិធីទទួលដើម្បីឲ្យរាងស្វែលមានៈ

-អាហារពេលព្រឹក

បបរមាន់ ឬ បបរត្រី ក្រូចពីរផ្លែ ឬនំបុ័ងអាំង២បន្ទះ(មិនលាបប័រ) ការហ្វេកុំដាក់ស្ករ ទឹកក្រូចស្រស់ ផ្លែប៉ោមមួយចំហៀង ឬបើអ្នកជាមនុស្សចូលចិត្តទទួលទានអាហារពេលព្រឹកច្រើន ក៏ត្រូវកាត់បន្ថយមកត្រឹមពាក់កណ្ដាលនៃអាហារដែលអ្នកទានរាល់ព្រឹកវិញ។

-អាហារពេលថ្ងៃត្រង់

បាយកន្លះចាន ហើយអ្នកអាចជ្រើសរើសម្ហូបបានដូចជា សាច់ជ្រូកចិញ្រ្ចាំស៊ុតស្ងោរ ត្រីចំហុយ ឆា បន្លែខ្លាញ់តិច ស៊ុត និង បង្អែមលាងមាត់ គឺផ្លែឈើអ្វីក៏បាន ប៉ុន្តែមិនគួរឲ្យលើសពី ៦-៨ ចំណិតឡើង។

-អាហារពេលល្ងាច

បាយកន្លះវែក ហើយអ្នកអាចជ្រើសរើសម្ហូបដូចជា ស្ងោរតៅហ៊ូ សាច់ជ្រូក ចិញ្រ្ចាំ ស៊ុបន្លែ និងប៉ោមខៀវមួយចំហៀងផ្លែ។

-អាហារដែលត្រូវចៀសវាងរួចមានៈ

បាយមាន់ បាយជើងជ្រូក ដំឡូងចៀន ឬអាហារដែលប្រើខ្លាញ់នឹងស្ករ ម្សៅ។ យើងដឹងហើយថា វាឆ្ងាញ់ ប៉ុន្តែបើចង់ស្អាតគួរកុំទទួលទានអ្វីផ្ដេសផ្ដាស៕

ទទួលទានផ្លែឈើជំនួសបាយអាចធ្វើឲ្យក្រពេះឈឺបាន

ស្រ្ដីៗភាគច្រើនប្រាកដធ្លាប់ចង់បញ្ចុះទំងន់មិនឲ្យធាត់ដោយទទួលទានផ្លែឈើជំនួសអាហារពេលល្ងាចហើយមើលទៅ? បើមានមែន សូមបញ្ឈប់ទង្វើនេះទៅ ព្រោះវាមិននាំមកនៅលទ្ធផលឡើយ គឺអាចកើតរោគឈឺក្រពេះបាន។

តាមការស្រាវជ្រាវរបស់ក្រុមស្រាវជ្រាវរបស់ក្រុមវេជ្ជសាស្ត្រ បានធ្វើការអះអាងថា ក្នុងពេលពោះទំនេរ ក្នុងទឹករំលាយអាហារ ក៏មានការហូរចេញនូវជាតិអាស៊ីដអំបិលច្រើនឡើងនៅក្នុងក្រពេះ ដូចនេះបើអ្នកទទួលទានផ្លែឈើ ពិសេសប្រភេទដែលមានរសជាតិជូដូចជាៈ ក្រូច ម្នាស់ និង ផ្លែឈើផ្សេងៗទៀត ខណៈពេលក្រពះនៅទទេស្អាត នឹងអាចធ្វើឲ្យរលាកសាច់ក្រពេះ ឬឈឺក្រពេះបាន។ ដូចនេះ សម្រាប់ស្រ្ដីទាំងឡាយ ដែលចង់ឲ្យសាច់ឈាមស្រស់ថ្លា និងមានរាងសមសួននោះ គួរទទួលទានផ្លែឈើ ក្រោយពីទទួលទានអាហារទើបជាការប្រសើរ៕

Make snow

Friday, June 24, 2011

Sunday, June 19, 2011

Monday, June 13, 2011

Sunday, June 12, 2011

Tuesday, June 7, 2011

Thursday, June 2, 2011