ចំនេះដឹងទូទៅ: 2017

Wednesday, March 1, 2017

អាការៈឈឺក្បាលដែលអ្នកគួរឱ្យគ្រូពេទ្យធ្វើការពិនិត្យ

ការឈឺក្បាលអាចជាសញ្ញានៃស្ថានភាពធ្ងន់ធ្ងរមួយ ដែលមានដូចជាការដាច់សរសៃរឈាមក្នុងខួរក្បាល ជំងឺរលាកស្រោមខួរក្បាល ឬជំងឺរលាកខួរក្បាល។ អ្នកត្រូវប្រញាប់ទៅកាន់បន្ទប់សង្គ្រោះបន្ទាប់ឱ្យបានភ្លាមៗ ប្រសិនបើអ្នកមានការឈឺក្បាលក្នុងសភាពធ្ងន់ធ្ងរភ្លាមៗ ឫការឈឺក្បាលដែលកើតមានរួមជាមួយនឹងៈ

Ø វង្វេងស្មារតី ឫ មានការពិបាកក្នុងការស្ដាប់យល់សម្ដីរបស់នរណាម្នាក់ (សន្លប់)។

Ø មានគ្រុនក្ដៅខ្លាំង (៣៩ ទៅ៤០ អង្សាសេ)។

Ø មានភាពស្ពឹក ចុះខ្សោយ ឫពិការនៅចំហៀងណាមួយនៃរាងកាយ។

Ø តឹងណែននៅកញ្ចឹងក។

Ø ពិបាកក្នុងការនិយាយស្ដី។

Ø ពិបាកក្នុងការដើរ។

Ø ក្អួតចង្អោរ ឫ ក្អួត។

ធ្វើការណាត់ជួបនឹងគ្រូពេទ្យ អ្នកត្រូវទៅឱ្យគ្រូពេទ្យពិនិត្យប្រសិនបើអ្នកធ្លាប់មានការឈឺក្បាលដែលៈ

Ø កើតមានញឹកញាប់ជាងពេលធម្មតា។

Ø មានសភាពធ្ងន់ធ្ងរជាងពេលមុន។

Ø មានសភាពកាន់តែអាក្រក់ឡើង ឬ មិនជាស្រាកស្រាន្តជាមួយនឹងការប្រើប្រាស់ថ្នាំបំបាត់អាការៈ ឈឺក្បាលនិងការឈឺចាប់។

Ø បង្អាក់ដល់ការងារ ការគេង ឬ ការចូលរួមក្នុងសកម្មភាពប្រចាំថ្ងៃជាធម្មតារបស់អ្នក។

Ø ធ្វើឱ្យអ្នកស្រ្ដេស ហើយនៅពេលដែលអ្នកចង់ស្វែងរកនូវជម្រើសនៃការព្យាបាល ដ៏ស័ក្ដិសមដែលអាចជួយអ្នកក្នុងការគ្រប់គ្រងវាឱ្យបានប្រសើរជាងមុន៕

ដកស្រង់ចេញពីការសែតរស្មីកម្ពុជា

ប្រសិទ្ធភាពបញ្ចុះសម្ពាធឈាមដ៏អស្ចារ្យរបស់ផ្លែឆឺរី

ពួកអ្នកស្រាវជ្រាវមានការភ្ញាក់ផ្អើលយ៉ាងខ្លាំងពេករកឃើញនូវប្រសិទ្ធភាពបញ្ចុះសម្ពាធឈាមរបស់ផ្លែឆឺរីប្រហាក់ប្រហែលនឹងការប្រើថ្នាំប្រឆាំងការលើសឈាមចំពោះអ្នកជំងឺលើសឈាម។

ជំងឺលើសឈាមកំពុងជះឥទ្ធិពលទៅដល់មនុស្សរាប់លាននាក់នៅលើពិភពលោក។ ហើយប្រសិនមិនត្រូវបានព្យាបាលវាអាចធ្វើឱ្យកើនហានិភ័យឈឺបេះដូង ខ្សោយបេះដូង ជំងឺសម្រងនោម ស្រ្ដូក និងបាត់ការចងចាំ។

ពួកអ្នកស្រាវជ្រាវមកពីសកលវិទ្យាល័យមួយនៅចក្រភពអង់គ្លេសបានដំណើរការពិសោធន៍លើមនុស្ស១៥នាក់ ដែលកំពុងលេចចេញសញ្ញាដំបូងរបស់ជំងឺលើសឈាម។ ពូកអ្នកស្ម័គ្រចិត្តត្រូវបានឱ្យទទួលទានទឹកឆឺរី ៦០មិលី្លលីត្រ លាយជាមួយទឹក១០០មិល្លីលីត្រ ឬ “ភេសជ្ជៈក្លែងបន្លំ” មានក្លិនផ្លែឈើ។ លទ្ធផល អ្នកទទួលទានទឹកឆឺរី មានសម្ពាធឈាមថយចុះ ៧ភាគរយប្រៀបនឹងអ្នកទទួលទាន “ភេសជ្ជៈក្លែងបន្លំ”។ តាមពួកអ្នកស្រាវជ្រាវប្រតិកម្មនេះគ្រប់ដើម្បីធ្វើឱ្យថយចុះ៣៨ភាគរយនៃ ហានិភ័យស្រ្ដូកនិង២៣ភាគរយនូវហានិភ័យ ជំងឺបេះដូងនិងអ្នកកើតជំងឺលើសឈាម។

ពួកអ្នកវិទ្យាសាស្រ្ដចាត់ទុកថាផ្លែឆឺរីអាចមានឥទ្ធិពលទៅដល់សម្ពាធឈាមខ្លាំងក្លាដូច្នេះដោយសារសម្បូរអាស៊ីតហ្វេរ៉ុល (Pherol) ដែលជា សារជាតិប្រឆាំងអុកស៊ីតកម្មធម្មជាតិមួយ។

លោក ខារ៉េន កេន (Karen Keane) អ្នកដឹកនាំការស្រាវជ្រាវនេះបានបកស្រាយថា ”ភាគច្រើននៃជំងឺសរសៃឈាមបេះដូងផ្ដើមចេញពីកត្តាហានិភ័យអាចគ្រប់គ្រង ព្យាបាល ឬកែសម្រួលបាន។ វារួមមានជំងឺលើសឈាម កូឡេស្ដេរ៉ូល ធាត់ ញៀនបារី ខ្វះចលនា និងទឹកនោមផ្អែម។ ក្នុងនោះសម្ពាធឈាមខ្ពស់ជាមូលហេតុជួរមុខបង្កការស្លាប់ចំពោះអ្នកជំងឺសរសៃឈាមបេះដូង តែការថយចុះសម្ពាធឈាមតែបន្ដិអាចជះឥទ្ធិពលយ៉ាងធំដល់អត្រាស្លាប់៕
ដកស្រង់ចេញពីការសែតរស្មីកម្ពុជា

ការប្រាស្រ័យជាមួយពន្លឺអាចជួយឱ្យបុរសបង្កើនចំណង់ផ្លូវភេទ

បុរសប្រាស័យជាមួយពន្លឺពណ៌សកន្លះម៉ោងក្នុងមួយថ្ងៃមានបរិមាណតេស្ដូស្ដេរ៉ូ(testosterone)កើនខ្លាំងជួយឱ្យគេពេញចិត្ត ពេញថ្លើមជាងក្នុងសកម្មភាពផ្លូវភេទ។

ក្រុមអ្នកស្រាវជ្រាវនៅសកលវិទ្យាល័យសៀនណា(Siena)នៅប្រទេសអ៊ីតាលីបានរកឃើញថា ការបង្កើនការប្រាស្រ័យជាមួយពន្លឺអាចជួយជំរុញការផលិតអ័រម៉ូនតាស្ដូ សេ្ដរ៉ូនចំពោះសរីរាង្គបុរស និងជួយឱ្យគេពេញចិត្តក្នុងសកម្មភាពនៃការរួមភេទ។

ពួកអ្នកវិទ្យាសាស្រ្ដបានជ្រើសរើសបុរស៣៨នាក់ ត្រូវបានវិនិច្ឆ័យថាមានចំណង់ផ្លូវភេទទាប ។ ក្នុងរង្វង់២សប្ដាហ៍បុរសពាក់កណ្ដាលក្នុងចំណោមនោះត្រូវបានបញ្ចាំងពន្លឺពណ៌សនៅលើខ្លួន។ តាមក្រុមស្រាវជ្រាវបរិមាណតេស្ដូស្ដេរ៉ូននៅក្រុមបុរសនេះកើនឡើងយ៉ាងច្រើន ហើយគេក៏មានអារម្មណ៍ពេញចិត្តក្នុងរឿងលើគ្រែដែរ។

លោក អេនឌ្រៀហ្វាជី អូលីនី(Andrea Fagiolini) ប្រធានក្រុមស្រាវជ្រាវនេះបានឱ្យដឹង៉ យើងខ្ញុំសង្កេតឃើញភាពខុសប្លែកគ្នាយ៉ាងធំរវាងក្រុមសកម្ម ដោយប្រើប្រាស់វិធីព្យាបាល និងក្រុមមិនប្រើប្រាស់៉។

លោកបានបន្តថា " មុនពេលព្យាបាលក្រុមទាំង២សុទ្ធតែមានពិន្ទុ២/១០ លើការវាយតម្លៃកម្រិតពេញចិត្តពេលរួមភេទ។ ប៉ុន្តែក្រោយពេលព្យាបាលក្រុមប្រាស្រ័យជាមួយពន្លឺពណ៌សមានពិន្ទុខ្ពស់ជាង ៣ដង គឺ៦,៣ ។ផ្ទុយមកវិញក្រុមមិនប្រើប្រាស់មានពិន្ទុមធ្យមតែប្រមាណ ២,៧ "៕

ដកស្រង់ចេញពីការសែតរស្មីកម្ពុជា

Tuesday, February 28, 2017

សូកូឡាអាចជួយប្រឆាំងភាពចំណាស់របស់ស្រ្ដី

ពួកអ្នកវិទ្យាសាស្រ្ដអង់គ្លេសបានអភិវឌ្ឍន៍ផលិតផលសួកួឡាប្រឆាំងភាពចំណាស់ម្យ៉ាងដែលអាចជួយរចនាស័ម្ពស្បែករបស់ស្រ្ដីអាយុ៥០ឆ្នាំឡើងទៅ ប្រែជាក្មេងខ្ចីដូចយុវត្តីវ័យ២០ឆ្នាំ។

អេស្ដេចូ (Esthecho) ដែលជាផលិតផលសូកូឡាបង្កើតដោយក្រុមអ្នកស្រាវជ្រាវនៅសកលវិទ្យាល័យខេមប្រ៊ីដប្រទេសអង់គ្លេស ត្រូវបានគេអះអាងថា អាចពន្យឺតដំណើរការលេច ចេញស្នាមជ្រួញ ឬ ស្បែកយារធ្លាក់តាមរយៈការបង្កើនសារជាតិប្រឆាំងអុកស៊ីតកម្ម និងជំរុញដំណើរឈាមរត់។ សូកូឡាប្រឆាំងភាពចាស់១បន្ទះ ៧,៥ក្រាម គឺផ្ទុកបរិមាណសារជាតិអាស្ដាហ្សានធិន (astaxanthin) ប្រឆាំងអុកស៊ីតកម្មប្រហាក់ប្រហែលសាច់ត្រីសាល់ម៉ុនអាឡាស្កា១ចំណិត ហើយនិងបរិមាណសារជាតិ ប៉ូលីហ្វេណុល(Polyphenol) ប្រឆាំងរ៉ាឌីកាល់ដូចគ្នានេះស្មើនឹង១០០ក្រាម សូកូឡាខ្មៅ។

តាមអ្នកផលិត អេស្ដេចូ ត្រូវគេគិតថា អាចជួយកែប្រែឱ្យប្រសើរឡើងនូវរចនាសម្ព័ន្ធស្បែកខាងក្រោមធ្វើឱ្យស្រ្ដីអាយុ៥០ទៅ៦០ឆ្នាំ នៅក្មេងដូចអាយុ២០ទៅ៣០ឆ្នាំ។ ការពិសោធន៍នេះបង្ហាញថា ក្រោយរយៈពេលតែ៤សប្ដាហ៍ បន្ទាប់ពីការបរិភោគនេះរាល់ថ្ងៃ គេកម្រឃើញមានសញ្ញារលាកក្នុងឈាមណាស់ ទន្ទឹមនឹងនោះបរិមាណឈាមផ្គត់ផ្គង់ឱ្យជាលិកាស្បែកក៏កើនឡើង។

តាមអ្នកស្រាវជ្រាវ សូកូឡា១បន្ទះផ្ទុកតែ៣៨គីឡូកាឡួរី ហេតុនេះសុវត្តិភាពបំផុតចំពោះអ្នកកើតជំងឺតម្រងនោម។ ផលិតផលនេះនឹងត្រូវបានឧទ្ទេសនាមជាផ្លូវការនៅសន្និសីទកំពូលស្ដីអំពីអាហារច្នៃប្រឌិតសាកលលោក(iGolbal Food Innovation Summit)នៅទីក្រុងឡុងដ៏ នៅពេលខាងមុខ។

ជុំវិញសូកូឡាថ្មីនេះពួកអ្នកជំនាញការសុខភាពបង្ហាញការប្រយ័ត្នប្រយែង និងសន្និដ្ឋានថា វាចាំបាច់ត្រូវធ្វើការពិសោធន៍ស៊ីជម្រៅបន្ថែមទៀត ដើម្បីបញ្ជាក់ពីប្រសិទ្ធភាពប្រឆាំងភាពរបស់វា៕

ដកស្រង់ចេញពីការសែតរស្មីកម្ពុជា

ជំងឺមហារីក៧ប្រភេទដែលអាចបង្ការបានដោយការហាត់ប្រាណ

ការហាត់ប្រាណជាប្រចាំ ពុំត្រឹមតែមានប្រសិទ្ធភាពបង្កើនសុខភាពរាងការ និងសារត្មីប៉ុណ្ណោះទេ តែនៅអាចជួយទប់ស្កាត់បាននូវជំងឺមហារីកមួយចំនួន។

ការស្រាវជ្រាវមួយចំនួនបានបង្ហាញថាសកម្មភាពរាងកាយមានពាក់ព័ន្ធដល់ការថយចុះហានិភ័យកើតមហារីកពិសេស គឺមហារីកសុដន់ និងពោះរៀន។

១.មហារីកភ្នាសស្បូន

ស្រី្ដដែលចំណាយពេល១៥០នាទីក្នុងមួយសប្ដាហ៍ (ឫច្រើនជាង)ដើម្បីហាត់ប្រាណនឹងមានហានិភ័យកើតមហារីកភ្នាសស្បូនទាបជាង៣៤ភាគរយប្រៀបនឹងអ្នកមិនហាត់ប្រាណ។ ពួកអ្នកស្រាវជ្រាវរកឃើញថា ស្រ្ដីមានតួលេខ BMI ក្រោម២៥ មានហានិភ័យកើតជំងឺទាបជាង៧៣ភាគរយ ប្រៀបនឹងស្រ្ដីមាន BMI លើ២៥។

២.មហារីកពោះវៀនធំ

អ្នកមានទំលាប់រស់នៅត្រឹមត្រូវ រួមមានទាំងហាត់ប្រាណ ៣០នាទីក្នុងមួយថ្ងែនឹងថយចុះហានិភ័យមហារីកពោះវៀនធំ។ ជាក់ស្ដែងនោះពួកអ្នកវិទ្យាសាស្រ្ដ និងអ្នកជ្រោវជ្រាវពីវិទ្យាស្ថានមហារីក នៅកូផេនហាហ្គេន ប្រទេសដាណឺម៉ាក បានឱ្យដឹងថា ជំងឺមហារីកពោះវៀនធំ អាចទប់ស្កាត់បានដល់ ២៣ភាគរយ ប្រសិនហាត់ប្រាណជាប្រចាំ។

៣.មហារីកក្រពេញប្រូស្តាត

ការស្រាវជ្រាវមួយចំនួនរកឃើញពីសកម្មភាពរាងកាយ និងលទ្ធភាពបន្ថយហានិភ័យក្រពេញប្រូស្តាត ដោយសកម្ម។

បុរសហាត់ប្រាណជាប្រចាំ នឹងបន្ថយហានិភ័យរីកចម្រើនមហារីកក្រពេញប្រូស្តាត ឬស្លាប់ដោយសារជំងឺនេះ បើប្រៀបនិងអ្នកខ្ចិលហាត់ប្រាណ។

៤.មហារីកសុដន់

ស្រ្ដីមានប្រវត្តិគ្រួសារកើតមហារីសុដន់ អាចបន្ថយ២៥ភាគរយនូវហានិភ័យកើតជំងឺរបស់គេ ដោយវិធីហាត់ប្រាណ២០នាទី ក្នុងមួយថ្ងៃ និងតិចបំផុត៥ថ្ងៃក្នុងមួយសប្ដាណ៍ជាមួយនឹងការរក្សារបៀបរស់នៅមួយល្អត្រឹមត្រូវ។

៥.មហារីកសួត

ហាត់ប្រាណអាចធ្វើឱ្យថយចុះហានិភ័យមហារីកសួត សម្រាប់អ្នកជក់បារី នៅបច្ចុប្បន្ន និងមុននោះ។សកលវិទ្យាល័យមីណេសូតាបានស្រាវជ្រាវស្រ្ដីកើតមហារីក ៣៦,៩២៩នាក់ ក្នុងរយៈពេល១៦ឆ្នាំ។ គេរកឃើញថា ស្ត្រីហាត់ប្រាណខ្ពស់ កម្រមានលទ្ឌភាពកើតមហារីកសួត ប្រៀបនឹងអ្នកមិនសូវហាត់ប្រាណ។

៦.មហារីកអូវែរ

តាមការស្រាវជ្រាវមួយត្រូវបានប្រកាស នៅខែមេសា ឆ្នាំ២០១០ លើទស្សនាវដ្ដី Cancer Cause & Control បង្ហាញថា ស្ដ្រីហាត់ប្រាណអាំងតង់ស៊ីតេខ្ពស់ច្រើន ថយចុះហានិភ័យមហារីកអូវែរ ប្រៀបនឹងស្រ្ដីពុំហាត់ប្រាណជាប្រចាំ។

៧.មហារីកក្រពះ

អ្នកចូលរួមតិចបំផុតរូបភាពហាត់ប្រាណមួយនៅកម្រិតល្មមនឹងថយចុះហានិភ័យ មហារីកក្រពេះ៥០ភាគរយបើប្រៀបនឹងអ្នកមិនហាត់ប្រាណ៕

ដកស្រង់ចេញពីការសែតរស្មីកម្ពុជា

អ្នកនឹងគេងលក់ក្នុងរង្វង់៦០វិនាទីប្រសិនអនុវត្តន៍ដំបូន្មាននេះ

ជាមួយនឹងវិធិសាស្ត្ររបស់វេជ្ជបណ្ឌិតមួយរូបនៅសាកលវិទ្យាល័យហាវ័ត (Harvard) អ្នកនឹងមានដំណេកមួយស្កប់ និងចាកផុតពីជំងឺគេងមិនលក់។

រស់នៅក្នុងសង្គមមួយពោរពេញដោយសម្ពាធ និងជានិច្ចកាលត្រូវរត់ប្រណាំងនឹងពេកវេលា ប្រាកដណាស់ថា មនុស្សជាច្រើនបានក្លាយទៅជា “ជនរងគ្រោះ” របស់ជំងឺគេងមិនលក់។ មានវិធីសាស្រ្ដព្យាបាលជាច្រើនត្រូវបានយកមកប្រើ ប៉ុន្តែលទ្ធផលនៅតែមិនសមដូចបំណង។

ថ្មីៗនេះ លោកវេជ្ជបណ្ឌិតអេនឌ្រូវ វី ( Andrew Weiil ) ដែលជាវេជ្ជបណ្ឌិតមួយរូបបានបញ្ចប់ការសិក្សាពីសកវិទ្យាល័យខាងលើ បានចែករំលែកវិធីសាស្រ្ដព្យាបាលជំងឺគេងមិនលក់មានឈ្មោះថា “ដកដង្ហើម ៤-៧-៨”។ លោកបានអះអាងថា បើអនុវត្តន៍តាមវិធីបែបនេះ គឺអ្នកជំងឺមិនចាំបាច់ប្រើថ្នាំឬឧបករណ៍ជំនួយផ្សេងៗលើបញ្ហាដំណេកនេះឡើយ ពោលគឺដោយគ្រាន់តែធ្វើតាមជំនាញងាយៗប៉ុន្មានខាងក្រោមនេះ អ្នកនឹងគេងលក់ក្នុងរង្វង់៦០វិនាទី។

វិធីអនុវត្តន៍ គឺងាយស្រួល បំផុតចូរអ្នកដកដង្ហើម៤វិនាទី តាមផ្លូវក្រពះអត់ដង្ហើម៧វិនាទី រួចដកដង្ហើមឡើងវិញ៧វិនាទី រួចដកដង្ហើមឡើងវិញ៨វិនាទី។ រំលឹករប្រៀបនេះចុះឡើង៣ដង ភាពងងុយគេង នឹងមកដល់យ៉ាងលឿន។ ដំបូងអាច អ្នកពុំទាន់ងងុយដោយសារមិនធ្លាប់ តែព្យាយាម៦ទៅ៨ដងសប្ដាហ៍ មួយថ្ងៃ២ដង អ្នកនឹងទទួលបានលទ្ធផលដ៏អស្ចារ្យ។

លោកបាននិយាយថា “វិធីសាស្រ្ដនេះ ផ្អែកតាមវិធីសម្រួសដង្ហើមរបស់ជនជាតិឥណ្ឌាបុរាណ។ តាមរយៈការដង្ហើមចូល-ចេញ អុកស៊ីហ្សែនក្នុងសួតនឹងចរាចរ ជួយឱ្យសរសៃប្រសាទបានសម្រាក។ អាស្រ័យហេតុនេះ មនុស្សមានអារម្មណ៍នឹងនរបន្ថយសម្ពាធ អស់កំម្លាំង និងឆាប់គេងស្កប់”៕

ដកស្រង់ចេញពីការសែតរស្មីកម្ពុជា

Make snow

Wednesday, March 1, 2017

អាការៈ​ឈឺ​ក្បាល​ដែល​អ្នក​គួរ​ឱ្យ​គ្រូ​ពេទ្យ​ធ្វើ​ការ​ពិនិត្យ

ប្រសិទ្ធ​ភាព​បញ្ចុះ​សម្ពាធ​ឈាម​ដ៏​អស្ចារ្យ​របស់​ផ្លែឆឺរី​

ការ​ប្រាស្រ័យ​ជាមួយ​ពន្លឺ​អាច​ជួយ​ឱ្យ​បុរស​បង្កើន​ចំណង់​ផ្លូវ​ភេទ

Tuesday, February 28, 2017

សូកូឡា​អាច​ជួយ​ប្រឆាំង​ភាព​ចំណាស់​របស់​ស្រ្ដី​

ជំងឺ​មហា​រីក​៧​ប្រភេទ​ដែល​អាច​បង្ការ​បាន​ដោយ​ការ​ហាត់ប្រាណ

អ្នក​នឹង​គេង​លក់​ក្នុង​រង្វង់​៦០​វិនាទី​ប្រសិន​អនុវត្តន៍​ដំបូន្មាន​នេះ​

អាការៈឈឺក្បាលដែលអ្នកគួរឱ្យគ្រូពេទ្យធ្វើការពិនិត្យ

ប្រសិទ្ធភាពបញ្ចុះសម្ពាធឈាមដ៏អស្ចារ្យរបស់ផ្លែឆឺរី

ការប្រាស្រ័យជាមួយពន្លឺអាចជួយឱ្យបុរសបង្កើនចំណង់ផ្លូវភេទ

សូកូឡាអាចជួយប្រឆាំងភាពចំណាស់របស់ស្រ្ដី

ជំងឺមហារីក៧ប្រភេទដែលអាចបង្ការបានដោយការហាត់ប្រាណ

អ្នកនឹងគេងលក់ក្នុងរង្វង់៦០វិនាទីប្រសិនអនុវត្តន៍ដំបូន្មាននេះ