ចំនេះដឹងទូទៅ: November 2011

Monday, November 21, 2011

តិចនិកតុបតែងភ្នែក ឱ្យស្អាត លេចធ្លោ

ភ្នែក គឺជាចំណុចទាក់ទាញមួយ របស់ផ្ទៃមុខ ដូចនេះ អ្នកចាំបាច់ត្រូវធ្វើយ៉ាងណាឲ្យស្អាតលេចធ្លោ តាមតិចនិកខាងក្រោម.....។

»ចំពោះអ្នកដែលមានចិញ្ចើមក្រាស់ៈ

អ្នក ត្រូវផាត់ភ្នែក ឲ្យមើលទៅឃើញដិតជាងមុនដោយការលាបម្សៅផាត់ភ្នែកពណ៌ស្រាល នៅលើត្របកភ្នែកផ្នែកគល់ភ្នែក រហូតដល់ពាក់កណ្ដាលត្របកភ្នែក។ ចំណែកឯកន្ទុយភ្នែក អ្នកគួរប្រើពណ៌ឲ្យដិតបន្តិច។

»ចំពោះអ្នកដែលមានភ្នែកខូងៈ

អ្នក ត្រូវធ្វើឲ្យភ្នែកលេចធ្លោ ដោយការលាបម្សៅពណ៌ស្រាល ភ្លឺៗ ជាទ្រនាប់ជាមុន ទើបលាបម្សៅពណ៌ដិតពីលើ រួចកៀរម្សៅឲ្យស្មើគ្នា។ អ្វីដែលសំខាន់ អ្នកចាំបាច់ត្រូវតែលាបម៉ាស្ការ៉ា លើរោមភ្នែកផ្នែកខាងលើ។

»ចំពោះអ្នកដែលមានភ្នែកមូលៈ

អ្នកគួរ លាបម្សៅពណ៌ស្រាល ចាប់ពីផ្នត់ត្របកភ្នែកឡើងទៅលើ រហូតដល់ចិញ្ចើម បន្ទាប់មកទើបលាបពណ៌ដិត ឲ្យដល់ចិញ្ចើមម្ដងទៀត ទើបធ្វើការពត់រោមភ្នែក។

»ចំពោះអ្នកដែលមានភ្នែកតូចៈ

អ្នកគួរ ផាត់ភ្នែកតាមបែបពណ៌ដិត Smoky នៅត្រង់ត្របកភ្នែកផ្នែកខាងលើ ឲ្យហួសផ្នត់ត្របកភ្នែកបន្តិច រួចទើបប្រើពណ៌ស្រាល មកលាបបន្ដ ចាប់ពីផ្នត់ត្របក ភ្នែក រហូតដល់ចិញ្ចើម ជាការស្រេច៕

ថ្នាំគ្រាប់ ខ្លាញ់ត្រីមានប្រយោជន៍ចំពោះសុខភាព

មានការផ្សព្វផ្សាយយ៉ាងច្រើនអំពីថ្នាំគ្រាប់ខ្លាញ់ត្រីផ្ទុក ទៅដោយសារធាតុអាស៊ីដខ្លាញ់ ផ្ដល់ផល់ប្រយោជន៍ចំពោះសុខភាព។ បច្ចុប្បន្នមនុស្សជាច្រើនបានងាកមកចាប់អារម្មណ៍លើផលិតផលនេះកាន់ តែច្រើនឡើងៗ ។

ថ្នាំ គ្រាប់ខ្លាញ់ត្រីមិនបង្កផលប៉ះទង្គិចចំពោះសុខភាពឡើង ។ វាជាជម្រើសដែលមិនអាចរំលងបាន ដែលការស្រាវជ្រាវរបស់អ្នកវិទ្យាសាស្រ្តបាបបញ្ជាក់អះអាងថា ជាប្រភេទថ្នាំដ៏ល្អបំផុតមួយ។

តាមការ សិក្សាស្រាវជ្រាវពីវិទ្យាស្ថានសុខភាពសាធារណៈបានឲ្យដឹងថា ប្រភេទខ្លាញ់Omega3 ផ្ដល់អត្ថប្រយោជ៍នយ៉ាងច្រើនចំពោះសុខភាពក្រោយពេលបានលេបជាប្រចាំ ។ សមាគមអាមេរិកាំផ្នែកជំងឺបេះដូងបានឲ្យដឹងថា សារធាតុខ្លាញ់អាស៊ីដ(Omega3) ពិតជាមានអត្ថប្រយោជន៍ចំពោះសុខភាពបេះដូងជាពិសេសចំពោះអ្នកមាន ជំងឺសរសៃឈាមបេះដូង ។ ប៉ុន្តែគួរប្រើសារជាតិខ្លាញ់អាស៊ីដទាំងនេះក្នុងកម្រិតតិចបាន ហើយ ។

ការ បរិភោគអាហារមានជាតិខ្លាញ់ខ្ពស់និងជាតិស្ករ ព្រមទាំងអំបិលច្រើននៅក្នុងម្ហូបអាហារកែច្នៃជាកញ្ចប់ឆ្អិន ស្រាប់ ក៏អាចប៉ះពាល់ដល់សុខភាពផងដែរ។

ដូចនេះក្រៅអំពីថ្នាំគ្រាប់ខ្លាញ់ត្រីដែលជួយឲ្យសុខភាពផងដែរ។

ដូចនេះ ក្រៅអំពីថ្នាំគ្រាប់ខ្លាញ់ត្រីដែលជួយឲ្យសុខភាពរបស់យើងបានល្អ ប្រសើរហើយគួរតែធ្វើលំហាត់ប្រាណឲ្យបានទៀតទាត់ផងដែរដើម្បីឲ្យ សុខភាពយើងរឹងមាំ៕

ការថើប ល្អចំពោះសុខភាព និងសម្ព័ន្ធភាព

អ្នកស្រាវជ្រាវ ពីសាកលវិទ្យាល័យតិកសាស់សហរដ្ឋអាមេរិច បានឲ្យដឹងថា ការថើប គឺជាការជំរុញខួរក្បាលឲ្យកើតមានសេចក្ដីសុខ តាមធម្មជាតិ។

លោក សេរីល ខឺរសេនបូម(sheril kirshenbaum) អ្នកស្រាវជ្រាវ និងអ្នកនិពន្ធសៀវភៅស្ដីអំពី"វិជ្ជានៃការថើប" បានឲ្យដឹងថា ការថើប គឺជាវិធីសាកល្បងសារធាតុតាមធម្មជាតិ ដែលនឹងជួយអោយមនុស្សអាចដឹងថាខ្លួនបានគូគ្រងល្អឬទេ? ដោយសារការថើប ធ្វើឲ្យអ្នកទាំងពីរបានជិតស្និទ្ធនឹងគ្នា រហូតដល់អាចស្រូបយកខ្យល់ដង្ហើមរបស់គ្នាទៅវិញទៅមកបាន។

អ្នក ស្រាវជ្រាវ បានឲ្យដឹងថា ក្នុងពេលថើបសរសៃឈាមខួរក្បាល នឹងពង្រីកខ្លួន ធ្វើឲ្យបានទទួលអុកស៊ីហ្សែនកាន់តែច្រើន ដកដង្ហើមបានវែង ជីពចរលោតបានល្អជាងមុន។ ក្រៅពីនេះ ការថើប ក៏ធ្វើឲ្យមានការបញ្ចេញអ័រម៉ូន អុកស៊ីតូស៊ី(Oxytocin)ឬអ័រម៉ូននៃក្ដីស្រលាញ់ ជួយបង្កើតទំនាក់ទំនងខាងសង្គម និងទំនាក់ទំនងរវាងបុគ្គលបាន។

ប៉ុន្តែ ការថើបបែបមិនត្រឹមត្រូវ ឬខុសប្រក្រតីនឹងបណ្ដាលឲ្យកើតមានអ័រម៉ូននៃភាពតានតឹង ខ័រទីសូល(Cortisol)និងអាចបំផ្លាញទំនាក់ទំនង របស់អ្នកទាំងពីរបាន៕

៤ចំណុច ជួយជំរុញការលូតលាស់ របស់កុមារ

ឳពុក ម្ដាយ ជាមនុស្សដ៏សំខាន់ ដែលជួយឲ្យកូនស្វែងយស់ ចម្រើនធំធាត់ និងមានការលូតលាស់ល្អ ទាំងរាងកាយ និងអារម្មណ៍។ ខាងក្រោមនេះ ជាអ្វីដែលឳពុកម្ដាយអាចធ្វើបាន ដើម្បីជំរុញកាលូតលាស់ របស់កូនតាមហារណែនាំរបស់បណ្ណាល័យវេជ្ជសាស្រ្ដជាតិ សហរដ្ឋអាមេរិក ( U.S National Library of Medicine)...។

១. អានសៀវភៅរូបភាពឲ្យកូនស្ដាប់។

២. នាំកូនទៅកាន់ទីកន្លែងផ្សេងៗ ឲ្យកូនបានឃើញអ្វីៗដោយផ្ទាល់ភ្នែក ឬកន្លែងកម្សាន្ដរបស់កុមារ។

៣. បើកូនអាយុលើសពី១ឆ្នាំឡើង គួរលេងបាល់ជាមួយកូន ដោយការបោះបាល់ជរ័ស្រាលៗ ទៅកាន់កូន ឲ្យកូនចាប់ ឬបោះកូនបាល់ឲ្យអ្នកវិញ។

៤. គួរជំរុញឲ្យកូនលេងជាមួយរបស់លេង មានទំហំធំ ដែលកូនអាចរុញជុំវិញបាន ព្រោះវានឹងជួយជំរុញឲ្យកូន មានការដើរលឿនជាងមុន ថែមទាំងពង្រឹងសាច់ដុំជើង បានទៀតផង៕

គេងព្រលប់ការពារជំងឺធាត់

ដើម្បីសុខភាពកាយចិត្តល្អ អ្នកជំនាញបានណែនាំឱ្យយើងឆាប់ចូលគេងពីក្បាលព្រលប់។
លោកវេជ្ជបណ្ឌិត ផូល អេបស្ថាយន៍ ប្រធានគ្រប់គ្រង់មជ្ឈមណ្ឌលសុខភាព និងបរិដា្ឋនពិភពលោកនៃមហាវិទ្យាល័យ ហាវ៉ាដ បានណែនាំថា មនុស្សយើងគួរតែឆាប់ចូលគេងពីក្បាលព្រលប់បន្តិច ដើម្បីសុខភាព និងការពារជំងឺធាត់។
លោកមានប្រសាសន៏ថា យោងតាមទិន្នន៍យផ្នែករោគសាស្រ្ដឃើញថា ការគេងតិចតូចធ្វើឱ្យអ័រម៉ូនមានការប្រែប្រួល។
អ័រម៉ូនដែលប្រែប្រួលនោះគឺ លេបធីន និង ក្រេលីន ។ ការគេងតិច ធ្វើឱ្យលេបធីនបញ្ជូនសញ្ញា '' ឆ្អែត" ទៅខួរក្បាលតិចតួច ហើយធ្វើឱ្យក្រេលីនបញ្ជូនសញ្ញា"ឃ្លាន" ទៅខួរក្បាលកាន់តែច្រើន ដែលធ្វើឱ្យមនុស្សគេងតិចតួច ឫអត់ងងុយបរិភោគអាហារគ្មានសំថៃ ដែលជាមូលហេតុនៃជំងឺធាត់។
ចំណែកការគេង សម្រាកគ្រប់គ្រាន់ មានចំណែកធ្វើឱ្យយើងមានអារម្មណ៍ថា ឆ្អែត ឫឃ្លានទៅតាមការពិតជាក់ស្ដែង ពុំមែនហូបប៉ុណ្ណាក៏មិនចេះឆ្អែតនោះឡើយ។
ទោះជាយ៉ាងណាក៏ដោយ ការគេងតែម្យ៉ាងមិនទាន់គ្រប់គ្រាន់ទេ ដោយលោកវេជ្ជបណ្ឌិតណែនាំឱ្យយើងហាត់ប្រាណ៦០នាទីក្នុងមួយថ្ងៃផង ៕

ទប់ទល់ជាមួយការឈឺក្រពះ

ឈឺក្រពះជាជំងឺទូទៅនាពេលសព្វថ្ងៃនេះ ។ ជំងឺនេះធ្វើឱ្យយើងពិបាកទ្រាំយ៉ាងខ្លាំងក្នុងការទទួលទាន ហើយក៏មិនងាយស្រួលក្នុងការព្យាបាល ។ ខាងក្រោមនេះជាវិធានការ៧ មានប្រសិទ្ធភាពគ្រាន់បើដើម្បីទប់ទល់ពេលអ្នកឈឺក្រពះ ៖
១-ប្រើប្រាស់ល្បាយទឹកឃ្មុំ
ប្រសិនអ្នកត្រូវជំងឺក្រពះធ្វើទុក្ខបុកម្នេញសម្បើមអស្ចារ្យ ចូរធ្វើល្បាយខាងក្រោមនេះ និងប្រើប្រាស់រាល់ថ្ងៃ ៖ លាយមួយស្លាបព្រាទឹកឃ្មុំ បូក១ស្លាប ព្រាទឹក បូក២ស្លាបព្រាទឹកខ្មេះផ្លែប៉ោម លាយចូលគ្នាឱ្យសព្វនិងផឹករាល់ថ្ងៃមានប្រសិទ្ធភាពយ៉ាងល្អសម្រាប់ រាល់បញ្ហាខាងផ្លូវពោះវៀន ។
២-បរិភោគយ៉ាអួមួយកែវ
យ៉ាអួមួយកែវក្នុងពេលឈឺក្រពះក៏មានឥទ្ធិពលយ៉ាងល្អដើម្បីបន្ថយ ឈឺចាប់។ ប្រសិនការឈឺក្រពះរបស់អ្នកមានមូលហេតុដោយសារភាពបាត់ តុល្យភាពបាក់តេរីធម្មជាតិរស់នៅក្នុងពោះវៀននោះ យ៉ាអួជាជម្រើសដ៏ល្អ ប្រសើរមួយ ។
៣-ទំពាស្ករគ្រាប់ខ្ញី ឬផឹកតែខ្ញី
ខ្ញីជាជម្រើសឥតខ្ចោះដើម្បីធ្វើឱ្យអន់ឈឺ ។ ទន្ទឹមនោះ ផឹកតែខ្ញី ឬ បរិភោគស្ករគ្រាប់ខ្ញី នៅបន្ថយបានអាការៈចង់ក្អួតពេលជិះរថភ្លើង រថយន្ត ឬចាញ់កូន ។ប្រើប្រាស់ខ្ញីស្រស់ក្នុងករណីទាំងនេះគឺល្អបំផុត ។
៤-ប្រើថ្នាំរំលាយអាហារ
ទល់លាមក ដើរតួនាទីយ៉ាងធំក្នុងការបង្កជាការឈឺក្រពះ ។ ពេលនេះការប្រើប្រាស់ថ្នាំរំលាយអាហារអាចធ្វើឱ្យធូរស្បើយស្ថានការណ៍ ។ ចូរស្វែងយល់យោបល់វេជ្ជបណ្ឌិតអំពីប្រភេទឱសថដែលអ្នកនឹងប្រើប្រាស់ ។
៥-ប្រើប្រាស់ភេសជ្ជៈមានហ្គាស
ផឹកភេសជ្ជៈមានហ្គាសនឹងដោះស្រាយចំពោះមុខបានការឈឺក្រពះ ដ៏ខ្លាំងក្លា ។ ប៉ុន្តែចំពោះមនុស្សធម្មតា ក្រោយពេលប្រើប្រាស់ច្រើនហួស ប្រភេទទឹកនេះបែរជាបង្ក អាការៈភើ ខ្យល់និងធ្វើឱ្យក្រពះពិបាកទ្រាំជាង ។
៦-ប្រើស្ករគ្រាប់ជីរត្រចៀកដំរី
ជីរត្រចៀកដំរីជាឱសថព្យាបាលឈឺពោះនោះ ប្រហែលនរណាក៏បានដឹង តែវានៅមានបន្ថែមផលប្រយោជន៍មួយទៀតគឺធ្វើឱ្យធូរស្រាក ការឈឺចាប់បណ្តាលពីជំងឺក្រពះ។ រួមជាមួយស្ករគ្រាប់ជីរត្រចៀកដំរី អ្នកក៏អាចប្រើប្រាស់ស្លឹកជីរត្រចៀកដំរីស្រស់ដាំពុះនិងលាយបន្ថែម ទឹកឃ្មុំបន្តិច ។ ប្រភេទតែនេះនឹងជួយធ្វើឱ្យអន់ការឈឺក្រពះ ។
៧-ផឹកទឹកត្រជាក់លាយជាមួយ baking soda បន្តិច
ក៏ដូចជាប្រភេទទឹកផ្អែមដទៃទៀតលាយ baking soda ជាមួយទឹកត្រជាក់បន្តិចផឹកភ្លាមពេលលេចចេញការឈឺក្រពះ ក៏ជួយអ្នកបន្ថយការឈឺបានដែរ ៕

សំឡេងសើច និងតន្ត្រីជួយបន្ថយសម្ពាធឈាម

កាល ពីពេលថ្មីៗនេះអ្នកស្រាវជ្រាវពីប្រទេសជប៉ុន បានសាកល្បងឲ្យអ្នកស្ម័គ្រចិត្ត ស្ដាប់បទចម្រៀងឫសើច ១ម៉ោង រាល់២សប្ដាហ៍ ម្ដងឃើញថាសម្ពាធឈាម របស់មនុស្សទាំងពីរក្រុម ថយចុះ៦ និង៧ mmHg តាមលំដាប់។
អ្នកជំនាញមកពី Osaka University Graduate School of Medicine បញ្ជាក់ថាកម្រិតខ័រទីសូល(Cortisol) ដែលជាអ័រម៉ូននៃភាពតានតឹង ថយចុះ ក្នុងរាល់ពេលនីមួយៗ ហើយនៅពេលប្រៀបធៀបជាមួយក្រុមដែលមិនបានស្ដាប់តន្ត្រី ឫសើច ក្រុមនោះ បែរជាគ្មានការផ្លាស់ប្ដូរអ្វីឡើយ៕

ហាត់ប្រាណក្នុងទឹក ផ្ដល់ប្រយោជន៍ល្អចំពោះកូនតូច

ការហាត់ ប្រាណនៅក្នុងទឹក ជាកិច្ចការដែលល្អចំពោះការអភិវឌ្ឍន៏របស់កូនតូច ដែលអ្នកមិនគួរមើលរំលង ព្រោះវាផ្ដល់អត្ថប្រយោជន៌នឹកស្មានមិនដល់ ដូចខាងក្រោមៈ

»កូនតូច ចេះស្វែងយល់ពីការទប់ខ្លួន និងអណ្ដែតខ្លួននៅក្នុងទឹក ធ្វើឲ្យសាច់ដុំនិងឆ្អឹង រឹងមាំ ទើបអាចវារ ឬឈរ បានយ៉ាងឆាប់រហ័ស។

»អាចយកឈ្នះបានល្អជាងក្មេងដទៃ ពេលត្រូវប្រឈមមុខជាមួយស្ថានការណ៍ដែលនឹកស្មានមិនដល់ ឬមិនធ្លាប់ជួបប្រទេះពីមុន។

»បង្កើនជំនឿជាក់ដល់កូនតូចបាន។

»មានការអភិវឌ្ឍន៍ផ្នែកសង្គមដ៏ល្អ ងាយត្រូវរ៉ូវជាមួយអ្នកដទៃ។

»ធ្វើចលនាបានរហ័សរហួន និងរក្សាតុល្យភាពរាងកាយបានល្អ៕

ពិសាភេសជ្ជៈផ្អែមច្រើនបង្កគ្រោះថ្នាក់ជំងឺបេះដូង

»អ្នក ស្រាវជ្រាវអង់គ្លេសខាងផ្នែកសុខភាពបានអះអាងថា ពិសាភេសជ្ជៈផ្អែមមានពពុះឧស្ម័នចំនួន៥កំប៉ុងក្នុងមួយអាទិត្យអាច ធ្វើឲ្យភាពចុះខ្សោយ និងធ្វើឲ្យសម្ពាធឈាមកើនឡើងខ្ពស់ ។ ការសិក្សាពិសោធន៍ទៅលើមនុស្សចំនួនជាង២៥០០នាក់បានបង្ហាញឲ្យឃើញថា បើពិសាលើសកម្រិតកំណត់ភេសជ្ជៈផ្អែមមួយកំប៉ុងអាចធ្វើឲ្យសម្ពាធ ឈាម ស៊ីស្តូលិន និងឌីយ៉ាស្ដូលិក មានការប្រែប្រួល។

សម្ពាធ ស៊ីស្តូលិន គឺជាដំណើរកើនឡើងនៃឈាមតាមចង្វាក់បេះដូងនីមួយៗ ចំណែក សម្ពាធ ឌីយ៉ាស្ដូលិក គឺជារយៈពេលសម្រាកនៃចង្វាក់បេះដូង ។ សម្ពាធឈាមខ្ពស់នាំឲ្យកើតមានជំងឺបេះដូង និងធ្វើឲ្យអ្នកជំងឺដាច់សរសៃរឈាមខួរក្បាល។ អ្នកស្រាវជ្រាវនៅពុំទាន់ដឹងច្បាស់លាស់នៅឡើងពីមូលហេតុ ដែលភេសជ្ជៈផ្អែមជួយជំរុញសម្ពាធឈាមកើនទេ។ ប៉ុន្តែគេបានកត់សម្គាល់ថា អាស៊ីដអ៊ុយរ៉េ អាចបង្កើនសម្ពាធឈាម ដោយកាត់បន្ថយកម្រិតអុកស៊ីនីទ្រិក ចេញពីស្រទាប់សរសៃឈាម។

លោកសា ស្រ្តចារ្យមហាវិទ្យាល័យ ក្នុងទីក្រុងឡុងបានឲ្យដឹងថា អ្នកដែលពិសាភេសជ្ជៈផ្អែម និងអំបិលច្រើន ងាយធ្វើឲ្យសម្ពាធឈាមឡើងខ្ពស់។ អ្នកដែលធាត់ពេក គឺជាហេតុផលនាំឲ្យកើតជំងឺបេះដូង សូមជ្រើសរើសភេសជ្ជៈគ្មានជាតិស្ករ ដូចជាទឹកដែលជាភេសជ្ជៈសំខាន់បំផុត។

ផ្លែជម្ពូ ជួយកម្ចាត់សារធាតុនីកូទីន ក្នុងឈាម

បើទោះជាអ្នកមិនបានជក់បារី ក៏ដោយ តែប្រសិនបើអ្នកនៅក្បែរអ្នកជក់បារី អ្នកនឹងទទួលបានសារធាតុពុល នីកូទីន (Nicotine) បានដូចគ្នា។ ម្យ៉ាងទៀត ផ្សែងដែលអ្នកស្រូបចូល អាចបង្កឲ្យក្លាយជាជំងឺមហារីកនាពេលក្រោយៗមកទៀត។ ប៉ុន្តែ ផ្លែជម្ពូ អាចកែខៃបញ្ហានេះបាន ព្រោះសារធាតុនានាដែលមានក្នុងផ្លែជម្ពូ អាចបណ្ដេញសារធាតុពុល នីកូទីន ពីក្នុងឈាមបាន។ ដូចនេះ អ្នកដែលជក់បារីជាញឹកញាប់ គួរទទួលទានផ្លែជម្ពូ ឲ្យបានជាប់ជាប្រចាំ ព្រោះវាជួយរំលាយសារធាតុនីកូនទីន ទោះបីជាមិនបានអស់ពីរាងកាយតែយ៉ាងហោចណាស់ ក៏អាចជួយពន្យារកុំឲ្យកើតជំងឺឆាប់ពេកដែរ៕

ទទួលទានផ្លែឈើជំនួសបាយអាចធ្វើឲ្យក្រពេះឈឺបាន

ស្រ្ដីៗភាគច្រើនប្រាកដធ្លាប់ចង់បញ្ចុះទំងន់មិនឲ្យធាត់ដោយ ទទួលទានផ្លែឈើជំនួសអាហារពេលល្ងាចហើយមើលទៅ? បើមានមែន សូមបញ្ឈប់ទង្វើនេះទៅ ព្រោះវាមិននាំមកនៅលទ្ធផលឡើយ គឺអាចកើតរោគឈឺក្រពេះបាន។ តាមការ ស្រាវជ្រាវរបស់ក្រុមស្រាវជ្រាវរបស់ក្រុមវេជ្ជសាស្ត្រ បានធ្វើការអះអាងថា ក្នុងពេលពោះទំនេរ ក្នុងទឹករំលាយអាហារ ក៏មានការហូរចេញនូវជាតិអាស៊ីដអំបិលច្រើនឡើងនៅក្នុងក្រពេះ ដូចនេះបើអ្នកទទួលទានផ្លែឈើ ពិសេសប្រភេទដែលមានរសជាតិជូដូចជាៈ ក្រូច ម្នាស់ និង ផ្លែឈើផ្សេងៗទៀត ខណៈពេលក្រពះនៅទទេស្អាត នឹងអាចធ្វើឲ្យរលាកសាច់ក្រពេះ ឬឈឺក្រពេះបាន។ ដូចនេះ សម្រាប់ស្រ្ដីទាំងឡាយ ដែលចង់ឲ្យសាច់ឈាមស្រស់ថ្លា និងមានរាងសមសួននោះ គួរទទួលទានផ្លែឈើ ក្រោយពីទទួលទានអាហារទើបជាការប្រសើរ៕

ទទួលទានត្រីអាចកាត់បន្ថយគ្រោះថ្នាក់នៃពិការភាពចំពោះភ្នែក

តាមការសិក្សាស្រាវជ្រាវថ្មីមួយរបស់ក្រុមអ្នកវិទ្យាសាស្ត្រ អង់គ្លេសបានរកឃើញថាកាតរទទួលទានត្រីមួយដង ឬពីរដងក្នុងមួយសប្ដាហ៍ អាចកាត់បន្ថយគ្រោះថ្នាក់នៃការកើតជំងឺផ្សេងៗ ដែលបណ្ដាលឲ្យខ្វាក់ភ្នែកបានពាក់កណ្ដាល។

ការ សិក្សានោះ បានរកឃើញថា ការទទួលទានអាស៊ីដខ្លាញ់អូមេហ្គា-៣ ដែលគេរកឃើញភាគច្រើននៅក្នុងត្រីដែលមានខ្លាញ់ដូច ជាត្រីសាល់ម៉ុន និងត្រីធូណា អាចជួយការពារការចា់ផ្ដើមខូចភ្នែក ដែលជាស្ថានភាពមួយដែលនាំទៅរកការបាត់បង់ការមើលឃើញជាណ្ដើរៗ។ យោងទៅតាមការសិក្សាថ្មីមួយបាននិយាយថា ពួកគេបានរកឃើញថា ការទទទួលទានត្រីតែមួយដងឬពីរដងក្នុងមួយសប្ដាហ៍អាចកាត់បន្ថយ គ្រោះ ថ្នាក់នៃការបាត់បង់ការមើលឃើញ ចំនួន ៤២ ភាគរយ សម្រាប់ស្ត្រីរ័យចំណាស់។ ការរកឃើញនេះ បានគំទ្រដល់ការស្រាវជ្រាវលើកមុនដែលបានបង្ហាញនូវលទ្ធផលដូច គ្នានេះដែរ សម្រាប់បុរស។ វេជ្ជបណ្ឌិតវីល្លៀមគ្រីស្តេន មកពីសាលាពេទ្យហាវ៉ាត និយាយថា ត្រីដែលមានសាច់ខ្មៅទំនងជាមានច្រើនបំផុត។ លោកនិយាយថា ការកាត់បន្ថយគ្រោះថ្នាក់នេះទំនងជា ដោយសារតែការទទួលទានត្រីធូណាកំប៉ុង និងត្រីមានសាច់ខ្មៅ។ ប្រជាជនអង់គ្លេស ជាង៥០០.០០០នាក់ក្នុងប្រទេស បានកើតជំងឺបាត់បង់ការមើលឃើញ ដែលណ្ដាលមកពីការខូច និងងាប់កោសិកានៅក្នុងភ្នែក។ ហើយជំងឺនេះ បានប៉ះពាល់ជាសំខាន់ទៅលើមនុស្សដែលមានអាយុជាង៤០ឆ្នាំ។

ការ សិក្សាទៅលើស្ដ្រីចំនួនជាង ៣៨.០០០នាក់បានបង្ហាញថា ស្ដ្រីដែលទទួលទានអាហារសាច់ត្រីមួយដង ឬ ច្រើនដងក្នុងមួយសប្ដាហ៍ គឺមាន ៣ភាគរយ ឬ៤២ភាគរយ ទំនងជាកើតជំងឺខូចភ្នែកតិចជាងស្ដ្រីដែលទទួលទានត្រីតិចជាងម្ដង ក្នុងមួយខែ៕

៤ បន្លែ ផ្លែឈើ ល្អចំពោះសុខភាព

បន្លែ ផ្លែឈើទាំងអស់ សុទ្ធតែផ្តល់ផលល្អដល់សុខភាពទាំងអស់ ប៉ុន្តែ បន្លែ ផ្លែឈើទាំង ៤ មុខខាងក្រោមនេះ មានគុណតម្លៃចំពោះសុខភាព ច្រើនលើសពីបន្លែ ផ្លែឈើដទៃទៀត ។
-ឪឡឹក : គឺជាប្រភពសំខាន់នៃខារ៉ូទីណយដ៏(Carotinoid) d,ដោយវាជួយបំប៉នសរសៃឈាម និង ប្រព័ន្ធលំហូរឈាម ។ ទឹកឪឡឹកមួយពែង ផ្តល់ថាមពលត្រឹមតែ ៤៦កាឡូរី តែមានជាតិទឹកច្រើនរហូតដល់៩២%អាចជួយបំបាត់អាការស្រេកទឹក បានយ៉ាងល្អ ដោយមិនចាំបាច់បារម្ភពីរឿងធាត់ឡើយ ។
-សណ្តែកខ្មៅ : មានសារធាតុអាហារជាច្រើន ដូចជា ទ្រីបតូហ្វាន (Tryptophan) ដែលជាសារធាតុជួយបង្កើនអ័រម៉ូនធ្វផឲ្យមានក្តីសុខ សារធាតុអែនថូសៃយ៉ានីន (Anthosayanin)ជួយការពារមិនឲ្យស្បែកជ្រីវជ្រួញមុនវ័៧ បន្ថយឱកាសក្នុងការកើតជំងឺបេះដូង និងសរសៃឈាមក្នុងខួរក្បាល រួមទាំងសារធាតុម៉ូលីបឌីណាំ (Molybdenum) ដែលមានតួនាទីជួយប្រឆាំងជំងឺមហារីក ការពារជំងឺខ្វះឈាម និងជួយបណ្តេញសារធាតុចូល ។ ម្យ៉ាងទៀតវាថែមទាំងផ្តល់ប្រូតែអ៊ីន ដូចសាច់សត្វ រួមទាំងកាកសរសៃអាហារ ផងដែរ ។ ក្រៅពីនេះ ការទទួលទានសណ្តែកខៅ្ម ១ ពែង ក្នុង១ថ្ងៃ អាចជួយឲ្យរាងកាយបានទទួលបរិមាណសារធាតុហ្វូឡេត យ៉ាងច្រើន ប្រហែលពាក់កណ្តាលនៃតម្រូវការរបស់រាងកាយ ។
-ស្ពៃស : សម្បូរដោយវីតាមីន ជាពិសេស គឺវីតាមីន C ដែលជួយក្នុងការការពារ និងបង្កើនខូលឡាចេន ដល់ស្បែក ហើយអាចបណ្តេញសារធាតុបង្កមហារីកចេញពីរាងកាយ បានថែមទៀត ។
-ផ្លែគីវី : សម្បូរវីតាមីន C ជាងផ្លែក្រូច រួមទាំងជួយប្រឆាំងរ៉ាឌីកាលសេរី និងបំប៉នស្បែកឲ្យស្រស់ស្អាត ។ តាមការសិក្សាពីមហាវិទ្យាល័យអូស្លូ (University of Oslo) ប្រទេសន័រវេយ៍ បានឲ្យដឹងថា ការទទួលទានគីវី ២ ផ្លែ ក្នុង១ថ្ងៃ ក្នុងរយៈពេលមួយខែ អាចជួយបន្ថយជំងឺសរសៃឈាមត្បៀត និង ទ្រីគ្លីសិរីដ (Triglyceride)នៅក្នុងឈាម បានរហូតដល់១៥ %។

ប្រការគួរយល់ដឹងមួយចំនួនអំពីចេកទុំ

តាមអ្នកជំនាញការជីវជាតិ របស់មហាវិទ្យាល័យ Kentucky, ផ្លែឈើគ្រប់ប្រភេទសុទ្ធតែចាប់ផ្តើមបាត់បង់តម្លៃជីវជាតិភ្លាមពេលវា ត្រូវចេញផុតពីដើម ។

   ធម្មតា ប្រសិនទុកឱ្យចេកទុំតាមធម្មជាតិនោះនឹងមានតម្លៃជីវជាតិយ៉ាងច្រើន តែប្រសិនឆាប់ផ្តាច់វាចេញពីដើម និងទុកឱ្យទុំនោះ សារជាតិជីវជាតិជាច្រើននឹងបាត់បង់អស់ ។ ដូច្នេះបទពិសោធន៍គឺមិនត្រូវទុកឱ្យចេកប្តូរពីខៀវ និងរឹង ទៅជាទុំពេលវាត្រូវបានផ្តាច់ចេញទៅជាស្និតតូចៗ ។
   ប្រការគួរឱ្យចាប់អារម្មណ៍មួយចំនួនអំពីចេកទុំ
      ថាមពលៈ ចេកមានបរិមាណកាឡូរីខ្ពស់ជាងប្រៀបនឹងផ្លែឈើដទៃទៀតជាច្រើន ដោយសារកម្រិតស្ករខ្ពស់។ ចេកទុំមួយផ្លែ កម្រិតជីវជាតិរបស់វាអាចផ្លាស់ប្តូរ ប៉ុន្តែបរិមាណកាឡូរីនៅរក្សាដដែល គឺប្រមាណ១០៥កាឡូរី សម្រាប់ចេកធុនមធ្យមមួយ ។ ពេលចេកទុំ, បរិមាណ Carbohydrate នឹងប្រែប្រួល តែដោយសារ Carbohydrate មានប្រមាណតែ៤ កាឡូរីលើមួយក្រាមចេក ហេតុនេះចាត់ទុកដូចជាបរិមាណកាឡូរីសរុបមិនផ្លាស់ប្តូរប៉ុន្មានឡើយ ។
   ស្ករៈ ចេកពុំទាន់ទុំមួយផ្លែមានផ្ទុកសំខាន់គឺជាតិម្សៅ, ជា Carbohydrate ចម្រុះមួយ ។ ពេលចេកទុំ ម្សៅប្តូរទៅជាស្ករសណ្ឋានសាមញ្ញ ។ ប្រភេទស្ករសាមញ្ញងាយរំលាយជាង ដោយហេតុនេះអាចធ្វើឱ្យកើនបរិមាណស្ករក្នុងឈាមរបស់អ្នកលឿនជាង ។ នេះអាច ជាកត្តាមួយរួមចំណែកធ្វើឱ្យកើនជំងឺទឹកនោមផ្អែម ។ ការប្រែប្រួលក្នុង សមាសធាតុ Carbohydrate នៅចេកទុំ ធ្វើឱ្យចេកមានរសជាតិផ្អែមជាង ។
   សារជាតិជីវជាតិៈ សារជាតិ ជីវជាតិក្នុងនោះរួមមានវីតាមីន និងសារជាតិរ៉ែអាចថយចុះពេលចេកទុំ ។ ពិនិត្យជារួម បរិមាណវីតាមីន C ក៏ដូចជាពពួកវីតាមីនរលាយក្នុងទឹក , អាស៊ីតហ្វូលិកនិង thiamin មាននិន្នាការថយចុះពេលផ្លែឈើទុំ ពិសេសគឺពេលបានចម្អិនឬទុំជោរ ។ ពេលចេកទុំល្មម គួររក្សាវាទុកក្នុងទូទឹកកក ដើម្បីកាត់បន្ថយការ បាត់បង់វីតាមីន។
     សារជាតិប្រឆាំងអុកស៊ីតកម្មៈ ចេកក៏ដូចជាពពួកផ្លែឈើនិងបន្លែជាច្រើនទៀតមានផ្ទុកសារជាតិប្រឆាំង អុកស៊ីតកម្ម, សារជាតិរុក្ខជាតិជួយរក្សាឱ្យកោសិកា DNA មាំមួនល្អដោយវិធីកម្ទេចពពួករ៉ាឌីកាល់សេរី ពពួកម៉ូលេគុល បង្កឱ្យរបួសកោសិកា DNA នឹងអាចបង្កជាជំងឺបេះដូងនិងមហារីក។ នៅចេកទុំ សារជាតិប្រឆាំងអុកស៊ីតកម្មបែរជាកើនឡើង ៕

Make snow

Monday, November 21, 2011