ស្នាមជ្រីវជ្រួញនៅជុំវិញបបូរមាត់ គឺស្នាមទីមួយដែលមានលេចចេញមុនគេនៅលើស្បែកមុខ។ វីធីសម្រាប់ធ្វើចលនាសាច់ដដុំជុំវិញបបូរមាត់បែបងាយ។ បំផុតនោះ គឺណែនាំឲ្យញញឹមគ្រហាញ ព្រោះការញញឹមបែបនេះ វាធ្វើឲ្យសន្ទះសាច់ដែលតភ្ជាប់គ្នាជាមួយបរិវេណជុំវិញបបូរមាត់បានតឹងហាប់ណែន ជួយឲ្យផ្ទៃមុខរបស់អ្នកលេចចេញនូវទ្រង់ទ្រាយយ៉ាងល្អនោះឯង។
វីធីណែនាំ គឺអ្នកត្រូវប្រឹងញញឹមឲ្យអស់ខណៈពេលខាំធ្មេញទុកក្នុងរយៈពេល៥ នាទី។ បន្ទាប់មកបង្ហើបបូរមាត់ចេញពីគ្នាបន្តិច តែរក្សាធ្មេញឲ្យខាំជាប់គ្នាដូចមុនដដែល តែហាមហាមាត់។ ដំណាក់កាលបន្ដ គឺណែនាំឲ្យប្រឹងរុញជ្រុងបបូរមាត់ទៅខាងស្ដាំឲ្យអស់ រួចទ្រឹមទុកចោលរយៈពេល៥ នាទី និងបន្ទាប់មកត្រឡប់មកធ្វើនៅខាងឆ្វេងដូចគ្នា។
ណែនាំឲ្យធ្វើបែបនេះពី ១០-១២ ដងជាប់ៗ គ្នាក្នុងរយៈពេលមួយថ្ងៃ ជាពិសេសខណៈពេលធ្វើនោះ ត្រូវទប់កែវភ្នែកកុំឲ្យស្រល្ងៀង ឫភ្នែកព្រឹមៗឲ្យសោះ ព្រោះបើមិនដូច្នោះទេ អាចធ្វើឲ្យលេចចេញស្នាមជ្រីញជ្រួយនៅកន្ទុយភ្នែកជំនួយវិញមិនខាន។
ប្រយោជន៍ដែលទទួលបានពីការញញឹម ឫពីការសើចបែបនេះ គឺវាជួយទាញបង្ហាប់សាច់ដុំនៅលើផ្ទៃមុខ និងទុកដូចជាការជួយបន្ធូរភាពតានតឹងហត់នឿយនៃបរិវេណសាច់ដុំត្រង់កន្លែងនេះ ជាពិសេសគឺជួយភ្ញោចជំរុញចរន្ដការងារទាំងមូលរបស់ស្បែកមុខថែមទៀត៕
No comments:
Post a Comment