ទំពាំង បាយជូរខ្មៅ មានរសជាតិផ្អែម ឆ្ងាញ់ ដែលមនុស្សគ្រប់គ្នាចូលចិត្តទទួលទាន។ ជាមួយគ្នានេះ តាមការសិក្សាស្រាវជ្រាវបានបង្ហាញថា ទំពាំងបាយជួរខ្មៅ មានសារធាតុដែលអាចជួយព្យាបាលជំងឺគ្រុណចាញ់ ទៀតផង...។
អ្នកស្រាវជ្រាវពីវិទ្យាស្ថានសុខភាពជាតិសហរដ្ឋអាមេរិច បានឲ្យដឹងថា សារធាតុដែលឈ្មោះថា រ៉េសវេរ៉ាត្រូល(Resveratrol) ដែល រកឃើញក្នុងសំបកនៃទំពាំងបាយជូរខ្មៅ ក្រៅពីមានប្រយោជន៍ចំពោះបេះដូង និងអាចជួយបង្ការមហារីក បាននៅអាចជួយព្យាបាលជំងឺគ្រុនចាញ់ បានទៀតផងធ្វើឲ្យអត្រាការរស់រានមានជីវិតរបស់អ្នកជំងឺខាងលើ មានការកើនឡើង។
តាម ការសិក្សាបានរកឃើញថា សារធាតុរ៉េសវេរ៉ាត្រូល នឹងជួយព្យាបាលកោសិកាគ្រាប់ឈាមក្រហម ដោយធ្វើឲ្យសត្វល្អិត ដែលរកឃើញក្នុងកោសិកាគ្រាប់ឈាមក្រហម ថយចុះចំនួនធ្វើឲ្យបន្ថយការវិវត្តន៍អាការជំងឺ ដ៏ធ្ងន់ធ្ងរបាន។
ក្រៅ ពីនេះ តាមរយៈការព្យាបាល គេនៅរកឃើញថា សារធាតុរ៉េសវេរ៉ាត្រូល អាចប្រើរួមជាមួយថ្នាំគីមីបំបាត់ ដើម្បីប្រចាំនឹងមេរោគគ្រុនចាញ់ ធ្វើឲ្យអ្នកជំងឺគ្រុនចាញ់ មានឱកាសបានជាសះស្បើយច្រើនឡើង។
អ្នក ស្រាវជ្រាវបានឲ្យដឹងថា ការសិក្សាលើកនេះ បង្ហាញឲ្យឃើញពីលទ្ធភាពនៃការព្យាបាលជំងឺគ្រុនចាញ់ តាមរយៈមធ្យោបាយថ្មី ដោយប្រើសារធាតុរ៉េសវេរ៉ាត្រូល ពីសំបកទំពាំងបាយជួរខ្មៅនិងធ្វើឲ្យអ្នកដែលឈឺដោយជំងឺខាងលើ មានសង្ឃឹមក្នុងការព្យាបាលភាពធ្ងន់ធ្ងរនៃជំងឺនេះបាន៕
No comments:
Post a Comment