ជាការពិតណាស់ ពេលនៅកន្លែងធ្វើការ មិនមែនសុទ្ធតែជាពេល សប្បាយរីករាយទាំងអស់នោះទេ គឺតែងមានភាពស្មុគស្មាញខ្លះ ដែលវាបានធ្វើឲ្យអ្នកឈឺក្បាល បែកញើស ឬគ្មានអារម្មណ៏ធ្វើការងារ។ ខាងក្រោមនេះគឺជាវិធីខ្លះ ដែលអាចជួយឲ្យអ្នកចាកចេញឆ្ងាយពីជំងឺ ស្ត្រេស បាន ៖- បំបែកភាពស្ងប់ស្ងាត់
ចំណាយពេលវេលា ដើម្បីស្តាប់ភ្លេង។ ស្តាប់បទចម្រៀងណា ដែលអ្នកចូលចិត្ត ដែលវាអាចធ្វើឲ្យអ្នក ចង់ស្រែកច្រៀងតាម។ ការធ្វើដូចនេះ វាអាចធ្វើឲ្យអ្នកមានភាព ស្រស់ស្រាយឡើងវិញ។
- ឱសថដ៏ល្អបំផុត
តើចងចាំដែរឬទេ ពេលដែលអ្នកសើចលេង សប្បាយយ៉ាងខ្លាំង ជាមួយនឹងមិត្តភក្តិ របស់អ្នក រហូតដល់ចុកពោះ? ផ្អាកនូវអ្វីដែលអ្នកកំពុងតែធ្វើ២ ឬ ៣នាទីសិន បន្ទាប់មករំលឹកនូវរឿងទាំងអស់នោះ។ ប៉ុន្តែប្រសិនបើ អ្នកមិនអាចនឹកឃើញនូវរឿងទាំងអស់នោះទេ អ្នកអាចអានសៀវភៅសំណើច ឬក៏ឆែកនូវវ៉េបសាយ ដើម្បី មើលនូវរូបភាព អស់សំណើច ដែលអាចធ្វើឲ្យអ្នកសើចតាម។ ការធ្វើដូចនេះ នឹងអាចធ្វើឲ្យអ្នករំសាយនូវ ភាពស្មុគស្មាញនោះបានភ្លាមៗ។
- បង្កើតការទំនាក់ទំនង
អ្នកគួរតែធ្វើការ ទំនាក់ទំនងជាមួយមិត្តភក្តិ ឬ អ្នកដែលនៅជុំវិញខ្លួនអ្នក ដើម្បីបង្កើតភាពសប្បាយរីករាយ។ ចំណាយពេលវេលា ២ ឬ ៣នាទី ដើម្បីលេងអ៊ីម៉ែល ឬ ឆាតជាមួយនឹងមិត្តរបស់អ្នក។
- ការធ្វើលំហាត់ប្រាណ
នៅពេលដែលអ្នកមានភាព ស្មុគស្មាញខ្លាំង ជាមួយនឹងកិច្ចការងារ របស់អ្នក អ្នកគួរតែធ្វើចលនា រាងកាយរបស់អ្នក ដោយធ្វើការពត់ខ្លួន លើកដៃលើកជើង ឬក៏អ្នកអាចលើកដែកទម្ងន់ ជាដើម។
- សរសេរពីអារម្មណ៏របស់អ្នក
អ្នកត្រូវតែធ្វើការកត់ត្រា អារម្មណ៏របស់អ្នក បើទោះបីជាអ្នកមានអារម្មណ៏ល្អ ឬ មិនល្អក្តី ទៅក្នុងសៀវភៅកំណត់ត្រាប្រចាំថ្ងៃរបស់អ្នក៕
No comments:
Post a Comment