ការសិក្សាថ្មីមួយនិយាយថា អាហារសម្បូរខ្លាញ់បង្កើនការរលាកចំពោះអ្នកដែលមានជំងឺទឹកនោមផ្អែមប្រភេទទីពីរ។ ការរលាកមានទាក់ទងជាមួយនឹងបញ្ហាជាច្រើនដែលពាក់ព័ន្ធនឹងជំងឺទឹកនោមផ្អែម ដូចជា ជំងឺបេះដូង។
ការសិក្សាបានមើលលើមនុស្ស ៥៤នាក់ ដែលធាត់លើសទម្ងន់ ១៥នាក់, មានបញ្ហាកម្រិតគ្លុយកូស (ដំណាក់កាលមុនជំងឺទឹកនោមផ្អែម) ១២នាក់, អ្នកជំងឺទឹកនោមផ្អែម ១៨នាក់ និងអ្នកមានសុខភាពល្អនិងមិនធាត់លើសទម្ងន់ ៩នាក់ ដែលបានបរិភោគអាហារសម្បូរខ្លាញ់ក្រោយពេលអត់អាហារមួយយប់។
ក្រុមអ្នកស្រាវជ្រាវបាន ប្រៀបធៀបកម្រិតនៃ endotoxins ក្នុងឈាមរបស់អ្នកចូលរួមមុននិងក្រោយពេលបរិភោគអាហារ។ Endotoxins គឺជាបំណែកបាក់តេរីដែលចូលទៅក្នុងលំហូរឈាមតាមពោះវៀន និងមានទាក់ទងនឹងការរលាកនិងជំងឺបេះដូង។
អ្នកចូលរួមទាំងអស់សុទ្ធតែ មានកម្រិត endotoxin កើនឡើងក្រោយពេលបរិភោគអាហារសម្បូរជាតិខ្លាញ់ ប៉ុន្តែកម្រិត endotoxin របស់អ្នកមានជំងឺទឹកនោមផ្អែមប្រភេទទីពីរវិញមានការកើនឡើងខ្ពស់ជាង អ្នកមានសុខភាពល្អនិងមិនធាត់។ ការសិក្សានេះត្រូវបានគេរៀបចំដើម្បីថ្លែងក្នុងការប្រជុំប្រចាំឆ្នាំ របស់សមាគមន៍ផ្នែកក្រពេញបញ្ចេញក្នុងនៅថ្ងៃអង្គារ៍នៅប្រទេស អង់គ្លេស។
បើទោះបីជាការស្រាវជ្រាវមិន បានបង្ហាញពីមូលហេតុនិងលទ្ធផល ប៉ុន្តែវាអាចពន្យល់បានថាភាពធាត់និងជំងឺទឹកនោមផ្អែមប្រភេទទីពីរ អាចបង្ករឱ្យមានការបំផ្លាញដោយការរលាកក្នុងសរសៃឈាមនិងជាលិកា ផ្សេងទៀត និងជួយអ្នកវិទ្យាសាស្ត្រក្នុងការបង្កើតវិធីសាស្ត្រថ្មីដើម្បីបង្ការ ការបំផ្លាញនេះ។ (ដកស្រង់ចេញពីគេហ័ទំព័រសុខភាពhttp://health.com.kh)
No comments:
Post a Comment